20 наурызда Орталық сайлау комиссиясында Наурыз мейрамына арналған салтанатты жиын өтті.

«Сіздерді және еліміздің барлық сайлау комиссияларында еңбектеніп жүрген әріптестерімізді көктем мерекесі - Наурыз мейрамымен құттықтаймын! Бұл мереке халқымыздың мәдениеті мен ізгі дәстүрлерінің ұлылығын айшықтайды. Бұл табиғат қана емес, адамзаттың өзі де сергіп, жаңаратын тамаша уақыт. Тарихи тамыры тереңге бойлаған әз-Наурыз дана халқымызда қай кезде де еңсесі биік елдіктің, іргесі сөгілмес бірліктің, ырыс пен ынтымақтың мерекесі болып келген», - деп атап өтті ОСК Төрағасы Нұрлан Әбдіров.

Ол сондай-ақ Отанымызға – береке, халқымызға – игілік, әрбір шаңыраққа бейбітшілік, тыныштық және ынтымақ тіледі!