ҚР ОСК және Тәжікстанның Сайлау және референдумдар жөніндегі орталық 

комиссиясымен Өзара түсіністік туралы меморандумға қол қою

 туралы

2024 жылғы 22-23 тамызда ҚР Президенті Қасым-Жомарт Тоқаевтың Тәжікстанға мемлекеттік сапары өтті.

Мемлекеттік сапар аясында 22 тамызда Қазақстан Республикасы Орталық сайлау комиссиясының Төрағасы Нұрлан Әбдіров пен Тәжікстан Республикасының Сайлау және референдумдар жөніндегі орталық комиссиясының Төрағасы Бахтиёр Худоёрзода ҚР ОСК мен ТР СРЖОК арасында Өзара түсіністік туралы меморандумға қол қойды.

Бұл Меморандум сайлау мен референдумдарды дайындау және өткізу, сондай-ақ ұлттық сайлау заңнамасын жетілдіру мәселелері бойынша тәжірибе алмасуды көздейді.

22 тамызда мемлекеттік сапар аясында Қазақстан мен Тәжікстанның орталық сайлау органдары басшыларының екіжақты кездесуі өтті. Кездесуде екі елдің сайлау саласындағы ынтымақтастығын одан әрі дамыту перспективалары талқыланды.

ҚР ОСК ұзақ мерзімді, жүйелі халықаралық ынтымақтастық шеңберінде басқа елдердің халықаралық электоралдық тәжірибесі мен практикаларын белсенді зерделейтінін айта кету керек.

Анықтама:

Бұған дейін ҚР ОСК 12 мемлекеттің орталық сайлау органдарымен келісімдерге қол қойды, оның ішінде Әзірбайжан, Армения, Венгрия, Иордания, Оңтүстік Корея, Қырғызстан, Латвия, Молдова, Ресей Федерациясы, Түркия, Өзбекстан, Украина.