ҚР ОСК Төрағасының орынбасары жұмыс сапарымен 

Ақтөбе облысына барды

20 – 25 қазан аралығында ҚР ОСК Төрағасының орынбасары Константин Петров пилоттық аудандар мен облыстық маңызы бар қалалардың әкімдерін, шығып қалқан орнына қалалық мәслихаттың депутатын сайлауға дайындық барысында сайлау комиссияларына құқықтық, әдістемелік және ұйымдастырушылық көмек көрсету үшін жұмыс сапарымен Ақтөбе облысына барды.

Константин Петров аймақты аралап, Ойыл, Қобда және Ырғыз аудандарының, Ақтөбе қаласының, облыстық сайлау комиссияларының мүшелерімен кездесіп, әріптестерімен алдағы сайлауды ұйымдастыру мен өткізуге, үгіт-насихат қызметінің құқықтық реттелуіне, сайлау бюллетеньдерімен жұмыс істеуге, мүгедектігі бар азаматтардың сайлау құқықтарын қамтамасыз етуге, байқаушылардың, кандидаттардың сенім білдірілген адамдарының, бұқаралық ақпарат құралдары өкілдерінің жұмыс жағдайларына қатысты нақты мәселелерді талқылады.

ҚР ОСК Төрағасының орынбасары аудандық сайлау комиссиялары учаскелік сайлау комиссияларының мүшелері үшін өткізген оқу іс-шараларына қатысты. Ұйымдастырылған оқу тренингтері шеңберінде учаскелік комиссияның дауыс беру күніне дейінгі және сайлау күнгі жұмысы бойынша практикалық кейстерді пысықтауға, сайлау құжаттарының нысандарын толтыру тәртібіне, учаскелік комиссия мүшелерінің сайлау процесінің басқа қатысушыларымен өзара іс-қимылына басты назар аударылды. Оқу іс-шараларына өңірдегі учаскелік сайлау комиссияларының 180-ден астам мүшесі қатысты.

Сондай-ақ ҚР ОСК Төрағасының орынбасары алдағы сайлау науқандарына қатысатын пилоттық аудандар мен Ақтөбе қаласындағы сайлау учаскелерінің дайындығын тексерді.

Естеріңізге сала кетейік, 2023 жылғы 29 қазанда 11 өңірдегі 21 округте шығып қалған депутаттардың орнына мәслихат депутаттарын сайлау өтеді, 2023 жылғы 5 қарашада – Қазақстан Республикасының пилоттық аудандары мен облыстық маңызы бар қалаларында 45 әкім сайланады.