Қазақстан Республикасы Орталық сайлау комиссиясының Төрағасы 

Нұрлан Әбдіров Өзбекстан Республикасы Орталық сайлау 

комиссиясының шақыруы бойынша 2023 жылғы 9 шілдеде 

өткен Өзбекстан Республикасы Президентінің кезектен тыс сайлауын 

байқауға қатысты

ҚР ОСК төрағасы Нұрлан Әбдіров ӨР ОСК шақыруымен Өзбекстан Президентінің кезектен тыс сайлауын байқауға қатысты.

2023 жылғы 7 шілдеде ол ӨР ОСК төрағасы Зайниддин Низамходжаевпен кездесті. Кездесу барысында Өзбекстан Орталық сайлау комиссиясының басшысы қазақстандық байқаушыларды ағымдағы сайлау науқанының негізгі кезеңдері, осы сайлауға дайындық барысы мен ерекшеліктері туралы хабардар етті. Өз кезегінде Н. Әбдіров әріптесіне халықаралық байқауға қатысуға шақырғаны үшін алғысын білдірді, сондай-ақ Өзбекстанның бірқатар сайлау учаскелерінде биометриялық сәйкестендіру, бейнебақылау және онлайн-трансляция құрылғыларын эксперимент ретінде қолдануға қызығушылық білдірді.

2023 жылғы 8 шілдеде Қазақстан ОСК басшысы байқаушы мәртебесінде Тәуелсіз Мемлекеттер Достастығына қатысушы мемлекеттердің сайлау органдары басшыларының консультативтік кеңесінің бірінші отырысына қатысты. Отырысқа консультативтік кеңес мүшелері – Армения, Беларусь, Тәжікстан сайлау органдарының басшылары, Қырғызстан және Ресей сайлау органдары басшылығының өкілдері қатысты. Сондай-ақ кеңесші дауыс беру құқығымен Бас хатшы С. Лебедев бастаған ТМД Атқарушы комитетінің және Д. Кобицкий басқарған ТМД ПАА Кеңесі Хатшылығының өкілдері қатысты. Басқа қатысушылардың қатарында Түркіменстан ОСК басшысы, сондай-ақ Дүниежүзілік және Азиялық сайлау органдары қауымдастығының өкілдері болды. Отырыс барысында жаңадан құрылған консультативтік кеңестің қызметін ұйымдастыруға байланысты мәселелер қаралды. Отырыс қорытындысы бойынша консультативтік кеңестегі алғашқы төрағалық Өзбекстан Республикасының ОСК-на және тең төрағалық Беларусь Республикасының ОСК-на берілді.

Анықтама:

ТМД-ға қатысушы мемлекеттердің сайлау органдары басшыларының консультативтік кеңесі 2022 жылғы 14 қазанда Астана қаласында өткен ТМД мемлекеттері Басшылары Кеңесі отырысының шешімімен құрылды.

Бүгінгі күні Кеңестің құрамына Достастыққа қатысушы мемлекеттердің: Армения Республикасының, Беларусь Республикасының, Қырғыз Республикасының, Ресей Федерациясының, Тәжікстан Республикасының және Өзбекстан Республикасының Орталық сайлау органдарының басшылары кіреді.

Сол күні Қазақстан Орталық сайлау комиссиясының басшысы Н. Әбдіров Өзбекстанның Орталық сайлау комиссиясының «Өзбекстан Республикасы Президентінің кезектен тыс сайлауын ұйымдастыру және өткізу жөніндегі негізгі іс-шаралар» тақырыбындағы баспасөз конференциясына қатысты.

2023 жылғы 9 шілдеде сайлау күні төраға бастаған ҚР ОСК өкілдері дауыс беру барысын байқау, дауыстарды санау және сайлау нәтижелерін шығару мақсатында Ташкент пен Үргенштің бірқатар сайлау учаскелеріне барды.

«Сайлау учаскелеріне бару қорытындысы бойынша сайлаушылардың жоғары белсенділігін атап өткім келеді, белсенді дауыс береді, отбасылар келеді. Сондай-ақ учаскелік сайлау комиссияларының мүшелерін даярлау жақсы деңгейде. Өзбекстан ОСК тарапынан үлкен дайындық жұмыстары жжүргізілген. Жалпы, біздің тарапымыздан дауыс беруді ұйымдастыруға қатысты ешқандай ескертулер жоқ», - деп атап өтті Нұрлан Әбдіров.

Сайлауды байқауға екіжақты ынтымақтастық шеңберінде Өзбекстан Республикасы ОСК басшылығының шақыруы бойынша, сондай-ақ Тәуелсіз Мемлекеттер Достастығының, Шанхай ынтымақтастық ұйымының және Түркі мемлекеттері Ұйымының байқаушылар миссияларының құрамында Қазақстан Республикасының 25 өкілі қатысты.

Анықтама:

Өзбекстан Республикасы Президентінің кезектен тыс сайлауында 10784 сайлау учаскесі ашылды, әлемнің 39 елінде шетелде 56 сайлау учаскесі құрылды. Сайлаушылардың жалпы саны 19 593 838 адамды құрайды, олардың 47% -  ерлер, 53% -  әйелдер.

Президенттікке 4 кандидат - Иноятов Улугбек Ильясович - Өзбекстан Халықтық-Демократиялық партиясынан, Мирзиеев Шавкат Миромонович - Кәсіпкерлер мен іскер адамдар қозғалысынан – Өзбекстан либералды-демократиялық партиясынан, Макхмудова Робахон Анваровна – «Адолат» Социал-демократиялық партиясынан, Хамзаев Абдушукур Худойкулович - Өзбекстан экологиялық партиясынан тіркелді.

2023 жылдың 1 мамырында қабылданған конституциялық түзетулерге сәйкес президенттік мерзім 5 жылдан 7 жылға дейін ұзартылды.