Саяси партияларға арналған семинар

11.02.2023

ҚР Орталық сайлау комиссиясы 2023 жылы 11 ақпанда

саяси партияларға арналған семинар өткізді

2023 жылы 11 ақпанда ҚР Орталық сайлау комиссиясының алаңында 2023 жылғы 19 наурызға тағайындалған Қазақстан Республикасы Парламенті Мәжілісі мен мәслихаттары депутаттарының кезектен тыс сайлауын дайындау және өткізу мәселелері бойынша саяси партиялар өкілдеріне арналған семинар өтті.

Семинар саяси партиялардың сайлауалды штабтарының, олардың өңірлік филиалдарының өкілдерінің, ДИАҚБ/ЕҚЫҰ Миссиясынан халықаралық байқаушылардың және электоралды оқытуға жауапты аумақтық сайлау комиссиялары мүшелерінің қатысуымен офлайн және онлайн гибридтті форматта өтті. Семинар жұмысына 400-ден астам адам қатысты.

Негізгі спикерлер болып ҚР ОСК Төрағасының орынбасары Константин Петров, сондай-ақ ҚР Орталық сайлау комиссиясының мүшелері Сәбила Мұстафина мен Анастасия Щегорцова сөз сөйледі.

Семинар барысында спикерлер кезектен тыс сайлаудың ерекшеліктері туралы айтып, төмендегі тақырыптар бойынша түсініктеме берді:

қазіргі сайлау науқанының жаңалықтары туралы;

партиялық тізімдер мен саяси партиялардан кандидаттарды тіркеу тәртібі мен ережелері туралы;

саяси партиялар мен кандидаттардың сайлауға қатысуын мемлекеттік және мемлекеттік емес қаржыландыру туралы, атап айтқанда сайлау қорларын қалыптастыру, қаржы бойынша есептілік және заңнама талаптарын бұзғаны үшін жауапкершілік туралы;

сайлау науқанын ақпараттық сүйемелдеу және сайлау алдындағы үгітті, оның ішінде бұқаралық ақпарат құралдары мен онлайн-платформалар арқылы өткізу туралы;

саяси партиялардың сенімді тұлғаларының және ұлттық байқаушыларының қызметі мен өкілеттіктері туралы.

Сондай-ақ, семинар барысында қатысушылар ағымдағы сайлау науқаны бойынша құқықтық және ұйымдастырушылық сипаттағы барлық сұрақтарға толық жауап алды.

Ағымдағы сайлау науқаны туралы ақпарат Аудандар мен облыстық маңызы бар қалалар әкімдерін сайлау 2026 жыл

Аудандық маңызы бар қалалары, ауылдық округтері, кенттер мен ауылдар әкімдерінің сайлауы

Сайлау комиссияларының мүшелерін қашықтықтан оқыту және тестілеу

Аумақтық сайлау комиссияларының мүшелігіне кандидаттарға

Ақпараттық бюллетені