Дүниежүзілік сайлау күнімен құттықтау

2023 жылғы 2 ақпанда 2005 жылғы 14-17 қыркүйекте Будапештте өткен сайлауды ұйымдастырушылардың жалпы конференциясы аясында бекітілген Дүниежүзілік сайлау күні атап өтіледі.

Еуропа елдерінің сайлауын ұйымдастырушылар қауымдастығының (ЕЕСҰҚ) бастамасымен Дүниежүзілік сайлау күні жыл сайын ақпанның бірінші бейсенбісінде атап өтіледі.

Сайлауды ұйымдастыру және өткізу саласындағы мамандар Дүниежүзілік сайлау күнін құра отырып, бір ғана мақсатты - азаматтардың сайлау құқықтарын қамтамасыз ету және сайлау процестерін жетілдіру мәселелеріне назар аударуды көздеді.

Биылғы жылы Сайлау күні қазақстандықтар үшін ерекше мәнге ие, өйткені ол ағымдағы жылғы 19 наурызға тағайындалған Парламент Мәжілісі мен барлық деңгейдегі мәслихаттар депутаттарының кезектен тыс сайлауына дайындық кезеңіне сәйкес келіп отыр.

ҚР Орталық сайлау комиссиясы еліміздің барлық азаматтарын осы мерекемен құттықтай отырып, біздің қоғамның сайлау – мықты азаматтық қоғамы бар демократиялық құқықтық мемлекеттің ажырамас атрибуты екенін түсіне отырып, әрқашан демократияландыру және демократиялық құндылықтар жолымен дамуын тілейді.