Ағымдағы жылдың 18 қазанында ҚР ОСК алдағы Президент сайлауы 

аясында өңірлердің call-орталықтарының қызметкерлері үшін оқыту 

курсын өткізді

2022 жылғы 18 қазанда ҚР Орталық сайлау комиссиясы Электоралды оқыту орталығының базасында барлық өңірлердің call-орталықтарының 200 қызметкерінің қатысуымен «Қазақстан Республикасындағы сайлау процесі: теория және практика» онлайн форматта оқыту курсын өткізді. 

Оқыту курсы сайлау заңнамасының негіздерін білуді кеңейту арқылы call-орталықтар қызметкерлерінің кәсіби құзыреттілік деңгейін арттыруға және электоралдық кезеңде қажетті ақпаратты интеграциялау үшін жылдам байланыс пен деректерді беруді қамтамасыз ету дағдыларын қалыптастыруға бағытталған. 

Семинар қатысушыларына сайлаушылар тізімін қалыптастыру, азаматтарды сайлау кезеңінде тиісті ЖАО-ға өтініштер негізінде олардың тұрақты тіркеу, уақытша тіркеу бойынша орнын ауыстырған кезде және азаматтардың тіркеуі болмаған жағдайда тізімге енгізу мәселелері түсіндірілді.

Call-орталықтардың қызметкерлеріне сайлаушылардың есептен шығару куәлігі бойынша, шетелде, сондай-ақ студенттердің, вахташылардың, әскери бөлімдердегі әскери қызметшілердің, сондай-ақ демалыс үйлеріндегі, санаторийлердегі, емдеу-профилактикалық мекемелердегі және т. б. азаматтардың дауыс беру шарттары туралы толық ақпарат берілді. 

Сонымен қатар, тыңдаушылар ағымдағы сайлау науқанының негізгі кезеңдерімен және барысымен, ҚР ӘМ Құқықтық ақпараттық қызметінің, Астана қаласы әкімдігінің «ІКОМЕК109» қалалық жедел әрекет ету орталығының қызметімен, абоненттермен өзара іс-қимыл кезінде тиімді коммуникация әдістерімен, call-орталықтардың жұмысына арналған практикалық сценарийлердің ерекшеліктерімен танысты. 

2022 жылғы 20 қарашаға тағайындалған ҚР Президентінің кезектен тыс сайлауы кезеңінде Электоралдық оқыту бойынша жоспарға сәйкес келесі семинарлар кандидаттардың сайлауалды штабтарының қызметкерлеріне, электоралдық заңгерлерге, сайлауды ұйымдастыруға және өткізуге жауапты ЖАО, құқық қорғау және сот, прокуратура органдарының қызметкерлеріне, ҚР шет елдердегі өкілдіктері жанынан құрылған учаскелік сайлау комиссияларының мүшелеріне көзделген. 

Сондай-ақ қазан айының соңында саяси партиялар, өзге де қоғамдық бірлестіктер мен коммерциялық емес ұйымдар үшін сайлауды ұлттық байқауды жүзеге асыру бойынша ҮЕҰ академиясы базасында Орталық сайлау комиссиясының семинары жоспарланған.