VII шақырылған Қазақстан Республикасы Парламенті Мәжілісі депутаттарының кезекті сайлауының қорытындылары туралы

Орталық сайлау комиссиясының отырысы

                                 

2021 жылғы 12 қаңтарда Қазақстан Республикасы Орталық сайлау комиссиясында VII шақырылған Қазақстан Республикасы Парламенті Мәжілісі депутаттарының кезекті сайлауының қорытындылары және партиялық тізімдер бойынша дауыс беру қорытындылары бойынша Парламент Мәжілісінің депутаттық мандаттарын бөлу туралы отырыс өтті.

Орталық сайлау комиссиясы төрағасының орынбасары Константин Петров баяндама жасады. Ол Парламент Мәжілісінің депутаттығына кандидаттардың партиялық тізімдерін ұсынған саяси партияларға сайлаушылар дауыстары былайша бөлінгенін хабарлады:

- Қазақстан Халық партиясы - 659 019 дауыс немесе 9,10 пайыз;

- «Nur Otan» партиясы - 5 148 074 дауыс немесе 71,09 пайыз;

- «Ауыл» Халықтық-демократиялық патриоттық партиясы - 383 023 дауыс немесе 5,29 пайыз;

- Қазақстанның «Ақ жол» демократиялық партиясы - 792 828 дауыс немесе 10,95 пайыз;

- «ADAL» саяси партиясы - 258 618 дауыс немесе 3,57 пайыз.

   Осылайша, 3 cаяси партия жеті пайыздық кедергіні еңсерді:

- Қазақстан Халық партиясы;

- «Nur Otan» партиясы;

- Қазақстанның «Ақ жол» демократиялық партиясы.

Көрсетілген партиялар мандаттарды бөлуге жіберілді.

Депутаттық мандаттарды бөлу Қазақстан Республикасындағы сайлау туралы Конституциялық заңның 97-1-бабына сәйкес жүзеге асырылады және мынадай түрде жүргізіледі:

- Қазақстанның «Ақ жол» демократиялық партиясы-12 мандат;

- Қазақстан Халық партиясы-10 мандат;

- «Nur Otan» партиясы-76 мандат.

Қазақстан халқы Ассамблеясы сайлайтын Мәжіліс депутаттарын сайлау нәтижелері мынадай:

Абдрахманов Сауытбек Абдрахманұлы - 298 дауыс немесе дауыс беруге қатысқан сайлаушылар дауысының 84,90 пайызы;

Амирханян Аветик Рубенович - 270 дауыс немесе дауыс беруге қатысқан сайлаушылар дауысының 76,92 пайызы;

Буларов Ильяс Юсупович - 274 дауыс немесе дауыс беруге қатысқан сайлаушылар дауысының 78,06 пайызы;

Дементьева Наталья Григорьевна - 292 дауыс немесе дауыс беруге қатысқан сайлаушылар дауысының 83,19 пайызы;

Набиев Вакиль Гусейнович - 285 дауыс немесе дауыс беруге қатысқан сайлаушылар дауысының 81,19 пайызын;

Ли Юрий Виссарионович - 282 дауыс немесе дауыс беруге қатысқан сайлаушылар дауысының 80,34 пайызы;

Осин Шамиль Абзалетдинович - 271 дауыс немесе дауыс беруге қатысқан сайлаушылар дауысының 77,20 пайызы;

Тохтасунов Владимир Имтахунович - 277 дауыс немесе дауыс беруге қатысқан сайлаушылар дауысының 78,91 пайызы;

Хамедов Абилфас Муслимович - 290 дауыс немесе дауыс беруге қатысқан сайлаушылар дауысының 82,62 пайызы.

Орталық сайлау комиссиясы отырысының қорытындылары бойынша партиялық тізімдер бойынша сайланатын Қазақстан Республикасы Парламенті Мәжілісі депутаттарын сайлау қорытындылары туралы, сондай-ақ Қазақстан халқы Ассамблеясынан хаттамалар қабылданды, сондай-ақ Ортсайлаукомның «VII сайланған Қазақстан Республикасы Парламенті Мәжілісі депутаттарының кезекті сайлауының қорытындылары және партиялық тізімдер бойынша дауыс беру қорытындылары бойынша Парламент Мәжілісінің депутаттық мандаттарын бөлу туралы» қаулысы қабылданды.

Отырысты қорытындылай келе, Орталық сайлау комиссиясының төрағасы Берік Имашев сайлаудың маңызды мемлекеттік саяси оқиға екенін атап өтіп, сайлауды ұйымдастырушыларға жүргізілген жұмысы үшін, халықаралық және ұлттық бақылаушыларға сайлау процесінің жариялылығы мен ашықтығын қамтамасыз етуге көмектескені үшін, ал сайлаушыларға белсенді азаматтық ұстанымы үшін алғыс білдірді.

Қазақстан Республикасы

Орталық сайлау комиссиясының

Баспасөз қызметі

тел. 75-21-03, 75-23-69

a.khusainova@election.gov.kz

v.zheksembekova@election.gov.kz

https://t.me/electionelection