Ортсайлауком оқыту семинарларын өткізді

А.ж. 17 қарашада Орталық сайлау комиссиясының мүшелері ҚР ОСК аппараты қызметкерлерімен бірлесіп бейнеконференцбайланыс форматында аумақтық сайлау комиссияларының мүшелеріне арналған екі оқыту семинарын өткізді.

Оқыту семинары барысында ҚР ОСК Төрағасының орынбасары К.В. Петров облыстардың, республикалық маңызы бар қалалардың және астананың АСК мүшелеріне сайлау инфрақұрылымын дамытудың тәжірибелік мәселелері бойынша түсініктемелер берді.

Екінші БКБ-семинарда ҚР ОСК хатшысы С.С. Мұстафинаның басқаруымен учаскелік сайлау комиссиялары мүшелерін оқытудың практикалық бағытталған нысандары талқыланды. Талқылауға Сайлау комиссиялары үшін оқу-әдістемелік материалдарды әзірлеу жөніндегі жұмыс тобының мүшелері де қатысты.

Осындай тақырыптар бойынша қашықтықтан оқыту төмен тұрған сайлау комиссияларының мүшелері үшін каскадтық әдіспен өткізілетін болады.