2005 жылдың 14 қазанында Қазақстан Республикасы Орталық сайлау комиссиясының ұйымдастырумен «Қазақстан Республикасы азаматтарының дауыс беру құқын қорғауды жүзеге асыру шаралары туралы» Қазақстан Республикасы Президентінің 2005 жылдың 9 қыркүйегінде шыққан Жарлығының талаптары бойынша 2005 жылдың 4 желтоқсанында өтетін Қазақстан Республикасы Президенті сайлауына қоғамдық бақылауды ұйымдастыру» атты «дөңгелек үстел» болып өтті.

     

«Дөңгелек үстел» жұмысына қоғамдық бірлестіктер мен кезекті сайлауды бақылаушы ұйымдар, сондай-ақ еліміздің саяси партиялары және үкіметтік емес ұйымдарының өкілдері қатысты. Олар Қазақстан Республикасы Президенті сайлауының нормативтік-құқықтық базасын, сондай-ақ үкіметтік емес ұйымдардың сайлау процесін қадағалау үшін тиімді қоғамдық бақылау ұйымдастырудағы ролін талқылады.

     

Қазақстан Республикасы Орталық сайлау комиссиясы өз жұмысы барысында «Қазақстан Республикасындағы сайлау туралы» Конституциялық заңның нормаларын қатаң сақтай отырып, барлық ұйымдармен, сайлау кампаниясының жұмыс барысымен танысқысы келетіндердің барлығымен бірлесе әрекет етіп, ашық позиция ұстанады.

     

Отырысты қорытындылаған Қазақстан Республикасы Орталық сайлау комиссиясының Төрағасы Қазақстан Республикасының сайлау заңнамасы халықаралық стандарттарға сай келетіндігін атап өтті. Дегенмен, сайлау сайлау науқанына қатысатындардың барлығы сайлауды заңның негізінде қатаң қадағалағанда ғана біздің заңымыздың демократиялық мүмкіндіктері және сайлаудың ашық әрі әділ өтуі жүзеге асырылады.

     
      Қазақстан Республикасы
      Орталық сайлау комиссиясының
      баспасөз орталығы