Батыс Қазақстан, Ақтөбе облыстарында Қазақстан Республикасының Президентін сайлауына дайындық жұмысы жалғасуда.
Батыс Қазақстан облысында «Қазақстан Республикасындағы сайлау туралы» ҚР Конституциялық Заңынын ережелерін түсіндіру бойынша жұмыс жүргізілді. Сонымен қатар, партиялардың облыстық филиалдарының басшыларымен, Қазақстан Республикасының Президентін сайлауды байқау жөніндегі облыстық комитеттің өкілдерімен кездесу өткізілді.
Ақжайық аудан орталығында Батыс Қазақстан облысының Ақжайық және Жангелді аудандарының аумақтық сайлау комиссияларының өкілдері үшін семинар болып өтті.
Атөбеде, әр бір азамат оның сайлау учаскесі қайда екендігі және сайлаушылар тізіміне іліккені туралы толық мағлұмат ала алатын көпканалды телефон желісі ұйымдастырылған.
Сондай-ақ Ақтөбе облысында сайлаушылар тізімін дайындау жұмысы аяқталып келеді.
Ақтөбе облысының аумақтық сайлау комиссиялары учаскелік комиссиялар үшін оқыту семинарларын өткізуді жалғастыруда.