Қазіргі уақытта Қарағанды облысында сайлау заңнамасының талаптарына сәйкес облыстағы барлық 750 сайлау учаскелеріне сайлаушылар тізімдері тапсырылды.
Қарағанды, Сарань, Жезқазған, Балқаш қалалары мен Бұхаржырау ауданының аумақтық сайлау комиссиялары сайлауды дайындау және өткізу жөнінде учаскелік сайлау комиссиялары төрағалары және хатшыларымен семинар-кеңестер өткізді.
Қарағанды, Теміртау және Жезқазған қалаларында учаскелік сайлау комиссияларының мүшелерін «Сайлау» ААЖ дауыс беру жүйесін қолдануға үйрету жұмыстары аяқталуда.
18 қарашадан бастап сайлау учаскелерінде халықты «Сайлау» ААЖ жүйесін пайдаланып электрондық жүйемен дауыс беруге оқытып- үйрету жұмыстары басталды.
Электоралдық кезеңде әділет Департаментінің тіркеу және құжаттандыру бөлімінің жұмыс тәртібі өзгергені туралы басылымдық және электрондық бұқаралық ақпарат құралдарында ақпарат жарияланды. Халыққа ыңғайлы болуы үшін аталған бөлімнің жұмысы сенбі және жексенбіні күнін қоса алғанда сағат 19:00-ге дейін ұзартылды.
Облыстық және аумақтық сайлау комиссияларының төрағалары сайлау науқанын өткізу жөніндегі комиссия қызметі жайында бұқаралық ақпарат құралдары арқылы азаматтарды ұдайы хабардар етіп отырады.
Қазақстан Республикасы Президенті сайлауына жастардың қатысуын қамту мақсатында, оларды отан сүйгіштікке және патриоттық сезімге тәрбиелуде, әкімдіктің ішкі саясат, мәдениет және тілдерді дамыту бөлімі мен Осакаровка ауданының селолық округтері алғаш рет дауыс беруге қатысатын сайлаушылармен кездесулер ұйымдастырды.