Ақтөбе облысында Қазақстан Республикасы Президентінің сайлауына дайындық жалғасуда.
Ақтөбе қаласында анықтамалық қызмет көрсететін көпарналы телефон желісінің жұмысы өз нәтижесін беруде. Оған сайлаушылардан сайлау учаскесінің нөмірін нақтылау және өзінің сайлаушылар тізіміне енгізілгенін білу үшін желісіне күніне 300-ге жуық телефон шалынады.
Орталық сайлау комиссиясында тіркеуден өткен халықаралық байқаушылар өз қызметін жалғастыруда. Олар ҚР Президенттігіне кандидаттарды қолдау штабтарының, жергілікті атқару және аумақтық сайлау органдарының өкілдерімен кездесуде.
Сонымен қатар, Ақтөбеде Қазақстан Республикасында сайлаудың еркін, ашық және әділ өтуіне ықпал ететін «Сайлауды қадағалау жөніндегі комитет» РҚБ бөлішесі ашылды.
ҚР Президенттігіне кандидаттардың сенім білдірілген адамдары сайлаушылармен кездесулер, митингілер ұйымдастыру арқылы үгіт жұмысын жүргізуде.