Фоос Владимир Карловичтің қазасы туралы хабарлама

Фоос Владимир Карловичтің 2020 жылы 14 шілдеде 70 жасында өмірден өткенін зор күйзеліспен қайғырып хабарлаймыз.

Владимир Карлович Орталық сайлау комиссиясының жұмысына 20 жылдан астам ғұмырын арнай отырып, тәуелсіз Қазақстанның электоралды жүйесін қалыптастырудың бастауында болды.

Сайлау жүйесінде қызмет атқаратын барлық азаматтар үшін Владимир Карлович аңызға айналған тұлға және дәуір адамы. Оны жұмысында әрқашанда жоғары кәсіби деңгейі мен сайлау процесін ұйымдастыру тетіктерін терең түсінуі ерекшелеп тұрды. Әріптестеріміз Владимир Карловичтің сайлау үдерісін ұйымдастырудың әдіснамасы мен практикасын дамытуға қосқан зор үлесін танып, атап келеді.

Владимир Карлович еңбек сіңірген демалысында болған уақытында да мейірімді дос және дана тәлімгер бола отырып, баға жетпес тәжірибемен және кәсіби білімдерімен бөлісті. Владимир Карловичтің мезгілсіз өмірден озуы - бұл біз үшін ауыр және орны толмас қайғы.

Оны парасаттылық, қайырымдылық және қарапайымдылық, өмірге деген бұлжымас құштарлық пен оптимизм сияқты ерекше адами қасиеттер ерекшелей түсті.

Орталық сайлау комиссиясының ұжымы осы ауыр қазаға қайғыра отырып, оның туған-туыстары мен жақындарына қайғырып көңіл айтады. Владимир Карловичтің жарқын бейнесі біздің жүрегімізде мәңгі қала береді.

ТМД Атқарушы комитетінің көңіл айту хаты