2005 жылғы 26 қарашада өткен Қазақстан Республикасы Орталық сайлау комиссиясының кезекті отырысында алдағы Қазақстан Республикасы Президентін сайлауды дайындау және өткізу мәселелері қаралды.
Қазақстан Республикасының Орталық сайлау комиссиясы, 2005 жылғы 4 желтоқсанда учаскелік сайлау комиссияларының барлық іс-қимылдарын түсіндіру және реттеу мақсатында, сайлау учаскелерінде дауыс беруді жүргізудің рәсімді мәселелеріне үлкен көңіл бөлуде.
«Қазақстан Республикасындағы сайлау туралы» ҚР Конституциялық заңның 43-бабы, 8-тармағына сәйкес дауыстарды санау кезінде қатысқан тұлғаның тілегі бойынша, оған «Қазақстан Республикасындағы сайлау туралы» ҚР Конституциялық заңға сәйкес комиссия төрағасы мен хатшысының қолдары қойылып, сайлау комиссиясының мөрімен расталған хаттаманың көшірмесі беріледі.
2005 жылғы 4 желтоқсанда 1 447 сайлау учаскесінде дауыс беру қағаз және электрондық сайлау бюллетеньдерін пайдалана отырып, жүзеге асырылатындықтан, бұл учаскелерде 3 хаттама жасалатын болады: біріншісі – электрондық бюллетеньмен дауыс беру нәтижелері бойынша, екіншісі – қағаз бюллетеньдермен дауыс беру нәтижелері бойынша, үшіншісі – жиынтық хаттама.
«Қазақстан Республикасындағы сайлау туралы» ҚР Конституциялық заңның 43-бабы, 8-тармағына сәйкес дауыстарды санау нәтижелері туралы хаттаманың көшірмесі сайлау учаскесінің үй-жайында жалпы жұрттың танысуы үшін дереу арнайы белгіленген орынға ілінеді және ол жерде екі күн бойы ілулі тұрады.
«Сайлау үрдісінің барынша ашық мен жариялы болуы үшін, сондай-ақ. ЕҚЫҰ/ДИАҚБ Миссиясының өтініші бойынша, Орталық сайлау комиссиясы электронды дауыс беру қолданылатын учаскелік сайлау комиссияларына дауыс санаудың нәтижелері туралы қорытынды хаттамамен бір мезгілде қағаз және электрондық дауыс берудің нәтижелері туралы хаттамаларын ілуді, сондай-ақ санау кезінде қатысқан тұлғаның тілегі бойынша, оған жиынтық хаттаманың көшірмесімен бірге электрондық және қағаз бюллетеньмен дауыс беру бойынша дауыстарды санау хаттамаларының көшірмесін беру туралы міндеттеп отырмыз»,- деп атап айтты Орталық сайлау комиссиясының Төрағасы.