ҚР ОСК ЕЕСҰҚ онлайн–симпозиумына қатысты

Қазақстан Республикасы Орталық сайлау комиссиясының өкілдері Еуропа елдерінің сайлауды ұйымдастырушылары қауымдастығы (ЕЕСҰҚ) 2020 жылғы 4 маусымда ұйымдастырған онлайн-симпозиумға қатысты.

Симпозиум шеңберінде коронавирус пандемиясы кезінде, атап айтқанда Хорватияда, Польшада, Сербияда, Украинада және АҚШ-та сайлау науқандарын дайындау және өткізу мәселелері талқыланды.

Сонымен қатар, коронавирус пандемиясы кезеңінде сайлауды өткізудің немесе кейінге қалдырудың құқықтық және практикалық тәсілдері қарастырылды.

Онлайн-симпозиумға халықаралық ұйымдардың, сайлау органдарының және әлемнің жоғары оқу орындарының 50-ден астам өкілі қатысты.