Қазіргі уақытта Атырау облысында «Қазақстан Республикасы Орталық сайлау комиссиясының Инженерлік-техникалық орталығы» РМК аймақтық бөлімшесі электрондық дауыс беру жүйесі қолданылатын сайлау учаскелерін сынақтамалаудан өткізуде. Барлық сайлау учаскелері ҚР Президентін сайлауды өткізу рәсіміне дайын.
Облыстық сайлау комиссиясының отырысы өтіп, онда сайлау күні сайлау учаскелерінде қоғамдық тәртіпті қорғау жөніндегі Ішкі істер басқармасының жұмысы туралы мәселе қаралды.
Қалалық сайлау комиссиясы облыстық сайлау комиссиясы және ҚР ОСК өкілінің қатысуымен семинар-кеңес өткізді. Онда «Дауыс беруді ұйымдастыру» рольдік ойыны ұйымдастырылды. Сонымен қатар, «Таза сайлау» және «Қазақстанның сайлаушылар лигасы» қоғамдық бірлестігі байқаушылардың жұмысы туралы тренингке ОСК өкілі қатысты.
Сайлаушылардың мекен-жайы бойынша учаскелік сайлау комиссиялары оларды электрондық дауыс беруге үйрету жұмысын күнделікті жүргізуде.
Шет мемлекеттердің, халықаралық ұйымдардың байқаушыларына, сонымен қатар БАҚ өкілдеріне жәрдемдесу Орталығы қызметін жалғастыруда. ЕҚЫҰ халықаралық байқаушылары Питер Уолберг (Швеция Корольдігінен) және Фриц Бернштейл (Федералды Германия Республикасынан) Мақат ауданында болып, сайлау комиссия мүшелеріне бірқатар сұрақтар қойды. ТМД байқаушысы М.В. Рогачева 27 қарашада Мәскеуден келді. ТМД байқаушысы ҚР сайлау заңнамасымен және сайлау науқаны барысымен танысты. Ресей Федерациясы Астрахан облысынан 11 байқаушы және ЕҚЫҰ атынан Азарьев Ильясаф (Израильден), Олимпий Стоянов (Болгариядан) келеді деп күтілуде.
Бұқаралық ақпарат құралдардың барлығында аймақтың сайлаушыларына сайлаушылар тізімінде өздерін тексеру және басқа бір жерге кетуіне байланысты дауыс беру құқығын беретін есептен шығару куәлігін алу туралы үндеуі жарияланған. Барлық телеарналарда меншік түріне қарамастан, Қазақстан Республикасының Орталық сайлау комиссиясы дайындаған ұйымдастыру роликтері көрсетілуде. Атырау және Маңғыстау облыстарында 2005 жылдың 24 қарашасында «Сайлау» ААЖ кезекті толыққанды сынақтамалауы өткізілді.
Қазіргі уақытта облыс әкімдіктері сайлауға шақыру іс-шараларын өткізуде. Азаматтардың жеке куәліктеріне штрих-кодтарды жапсыру жұмысы жалғасуда.
Облыстық сайлау комиссиясы аймақтық сайлау комиссиясына әдістемелік көмек көрсету жұмысын өткізуде және сайлау комиссияларының қызметі үшін қажетті материалдық-техникалық жағдай жасау қадағалануда.
Қалалар мен аудандардың аумақтық сайлау комиссиялары сайлау комиссияларының төрағаларымен және хатшыларымен сайлау заңнамалары бойынша оқыту жұмысы жалғасуда, сонымен қатар, сайлау күні учаскелік сайлау комиссиялардың жұмысы жөнінде тренингтер өткізілуде.
2005 жылдың 20 қарашасында Жаңаөзен қаласындағы «Өркен» мөлтек ауданында орналасқан № 70 сайлау учаскесінде учаскелік сайлау комиссиялары үшін Қазақстан Республикасы Президентін сайлау көрінісі сынақ жүзінде өткізілді. Сайлауда дауыс беруге 200 адам қатысты. Учаскелік сайлау комиссиясының төрағасы сайлау комиссия мүшелеріне сайлау күні қалай жұмыс істеу керектігін көрсетті. Сынақ жүзінде өткен сайлауға қалалық сайлау комиссияның барлық мүшелері қатысты.
Осыған ұқсас іс-шараны Ақтаудағы қалалық сайлау комиссиясы да 2005 жылдың 22 қарашасында №21 сайлау учаскесінде қаланың барлық 65 учаскелік сайлау комиссиясы мүшелерінің қатысуымен ұйымдастырды.
Бүгінгі таңда Маңғыстау облысында облыстық барлық сайлау учаскелерінің үй-жайлары материалдық-техникалық құралдармен жабдықталған. Учаскелік сайлау комиссияларының мүшелері сайлаушылар тізімін нақтылау және сайлаушылардың мекен-жайы бойынша кітапшалар мен жаднамаларды тарату жөніндегі жұмысты өткізуде.
Облыстық, қалалық және аудандық газеттердің барлығында сайлау науқанына байланысты материалдар жариялануда. Облыстық «Қазақстан Ақтау» телеарнасында күніне 15 рет және қалалық «Ақтау 31 арна» телеарнасында күніне 24 рет Қазақстан Республикасының Президентін сайлау жөніндегі бейнероликтер көрсетілуде.
Шет мемлекеттердің, халықаралық ұйымдардың байқаушыларына, сонымен қатар, БАҚ өкілдеріне жәрдемдесу Орталығы қызметін жалғастыруда.
2005 жылдың 24 қарашасында Маңғыстау облысына ЕҚЫҰ/ДИАҚБ миссиясынан халықаралық байқаушы Мария Краусе (Румыниядан), ал 2005 жылдың 25 қарашасында Буар Хало (Албаниядан) атбасын тіреді. Сол күні халықаралық байқаушылар облыстық сайлау комиссиясы мүшелерімен кездесті. Сондай-ақ олар 2005 жылдың 27 қарашасында Қарақиян ауданының аумақтық сайлау комиссиясының төрағасымен жолықты.
ҚР Президенттігіне кандидаттар Е. Әбілқасымов, Ж. Тұяқбай, Ә. Байменов, сонымен қатар, ҚР Президенттігіне кандидаттың сенім білдірілген адамдары облыстағы сайлаушылармен кездесу өткізді.