Әзірбайжан Республикасы Милли Меджлис депутаттарының сайлауына Қазақстан Республикасынан жіберілетін бақылаушылардың тізімі бекітілді

2020 жылғы 24 қаңтарда Орталық сайлау комиссиясының отырысында 2020 жылғы 9 ақпанда өтетін Әзірбайжан Республикасының Милли Меджлис депутаттарының сайлауына Қазақстан Республикасынан жіберілетін бақылаушылардың тізімі бекітілді.

Тізімге Қазақстан Республикасынан барлығы 43 бақылаушы енгізілді, оның ішінде: 2 – Әзірбайжан ОСК шақыруы бойынша; 37 – ТМД бақылаушылар Миссиясының құрамында; 2 - сайлауды байқау жөніндегі ДИАҚБ/ЕҚЫҰ Миссиясының құрамында және ШЫҰ Миссиясы мен ТМЫК-дан құрамында бір-бірден енді.

Жіберілетін кандидатуралардың жалпы санының 29 бақылаушысы Қазақстан өңірлерінен ұсынылды.

Бұдан басқа, Қазақстан Республикасы Парламенті Сенаты мен Мәжілісінің ақпараты бойынша ТМД ПАА, ЕҚЫҰ ПА, ТүркПА делегацияларының құрамына, сондай-ақ Әзірбайжан Республикасы Милли Меджлисінің шақыруы бойынша екі жақты негізде 9 қазақстандық депутат қатысады деп жоспарлануда.