ҚР ОСК Төрағасы Б. Имашев Еуропа елдерінің сайлауларын ұйымдастырушылар қауымдастығы Бас Ассамблеясының отырысына және 28-ші жыл сайынғы конференциясына қатысты

2019 жылдың 24-26 қыркүйек аралығында Любляна қ. (Словения Республикасы) Еуропа елдерінің сайлауларын ұйымдастырушылар қауымдастығы (ЕЕСҰҚ) Бас Ассамблеясының отырысы және 28-шы жыл сайынғы конференциясы болып өтті, оған Қазақстан Республикасы Орталық сайлау комиссиясының Төрағасы Б. Имашев қатысты.

2019 жылғы 24 қыркүйекте Еуропа елдерінің сайлауларын ұйымдастырушылар қауымдастығы Бас Ассамблеясының отырысында ЕЕСҰҚ есепті кезеңдегі жұмыс жоспарын орындау нәтижелері қаралды, жылдық мүшелік жарнаны үлкейту мәселелері, сондай-ақ Латвия, Болгария, Молдова, Украина орталық сайлау органдарының бұрынғы төрағаларының құрметті мүшелігі туралы мәселелер талқыланды. Сонымен қатар, ЕЕСҰҚ Атқарушы Кеңесінің жаңа мүшелері сайланды және 2020 жылы келесі конференцияны өткізу орны туралы шешім қабылданды.

Сол күні ЕЕСҰҚ-ға мүше мемлекеттердің сайлау органдары басшыларының жиналысы өтті, онда сайлау өткізу және сайлауды байқау практикасы, атап айтқанда ЕЕСҰҚ құрметті мүшелерімен бірге талқыланды.

2019 жылғы 25-26 қыркүйекте ЕЕСҰҚ-ның 28-ші жыл сайынғы конференциясында теориялық және практикалық тұрғыдан сайлау процесін ұйымдастыру мәселелері, сондай-ақ сайлаудың ашықтығы қарастырылды.

Сонымен қатар, конференция шеңберінде 2019 жылғы мамырда өткен Еуропа парламентіне сайлауға арналған дөңгелек үстел өтті.

ЕЕСҰҚ конференциясының жұмыс қорытындылары бойынша қатысушылар сайлау процесін ұйымдастыру, сайлаудың ашықтығына да қатысты ұсыныстар қабылдады.