Орталық сайлау комиссиясы Төрағасының орынбасары К.В. Петровтың Қарағанды облысындағы жұмыс сапары

Орталық сайлау комиссиясы Төрағасының орынбасары К.В. Петров Қарағанды облысына жұмыс сапары шеңберінде 2019 жылғы 24 мамырда Қарағанды қаласында сайлау комиссияларының мүшелері мен сайлау процесінің өзге де қатысушылары үшін семинар өткізді.

Орталық сайлау комиссиясы Төрағасының орынбасары К.В. Петров семинарға қатысушылардың назарын сайлау туралы заңнамаға енгізілген өзгерістерге, өтіп жатқан сайлау науқанының негізгі деңгейлеріне, барлық сайлау комиссиясының ашықтығы мен жариялығына, қолданыстағы заңнама талаптарының қатаң сақталуына аударды.

Облыстық әкімдік аппарат басшысы Ж.М. Искаков сайлау учаскелерін материалдық-техникалық жарақтандыру жөніндегі нақты іс-шаралар туралы, оның ішінде мүмкіндігі шектеулі адамдар үшін жағдайларды қамтамасыз ету және сайлаушылар тізімін белгіленген тәртіппен сайлау учаскелеріне беру туралы баяндады.

Облыстық сайлау комиссиясының төрағасы Е.Б. Аймағамбетов сайлау комиссияларының мүшелері оқудан өткендігі туралы, сайлау учаскелерін дауыс беру күніне дайындау туралы хабарлады.

Орталық сайлау комиссиясының сайлау процесін ұйымдастыру бөлім меңгерушісінің орынбасары О.О. Захарова дайындық мерзімінде және тікелей дауыс беру күнінде учаскелік сайлау комиссиясының жұмысын ұйымдастыру жөніндегі негізгі мәселелеріне тоқталып өтті.

Қарағанды қ. сайлау комиссияларының мүшелері, кандидаттардың сайлау алды штабтарының өкілдері, сондай-ақ облыстық барлық қалалары мен аудандарының сайлау комиссиялары бейнеконференцбайланыс арқылы семинарға қатысты.

Орталық сайлау комиссиясы төрағасының орынбасары К.В. Петров сол күні дауыс беру күніне дайындықпен танысу және комиссия мүшелерінің жұмысын ұйымдастыру үшін облыс орталығының бірнеше сайлау учаскелеріне барды.