2007 жылғы 25 қаңтар күні Қазақстан Республикасының Орталық сайлау комиссиясында ЕҚЫҰ/ДИАҚБ және басқа халықаралық ұйымдардың сайлауларды байқау жөніндегі миссиялары құрамында шет елдердегі сайлауларға байқаушы ретінде жіберу үшін тізімге енгізілген мемлекеттік органдар, саяси партиялар мен қоғамдық ұйымдар өкілдерімен кеңес болып өтті.
Кеңесте Қазақстан Республикасы Орталық сайлау комиссиясының мүшелері, Сыртқы істер министрлігінің, БҰҰДБ-ның Қазақстан Республикасындағы өкілдігі мен Сайлауларды байқау жөніндегі қоғамдық комитеттің өкілдері сөз сөйледі.
«Қазақстан Республикасы әлемдік қауымдастыққа сайлауларды өткізудегі ашықтығын, өзінің ЕҚЫҰ шеңберінде қабылдаған ұстанымдары мен міндеттемелеріне бейілділігін көрсетіп келеді», - деп атап өтті өз сөзінде Орталық сайлау комиссиясының мүшесі Т. Охлопкова.
Кеңес барысында Қазақстан өкілдерінің шет мемлекеттерде сайлауларды байқауға тиімді қатысуын ұйымдастыру сұрақтары бойынша пікір алмасылды.

Қазақстан Республикасы
Орталық сайлау комиссиясының
Баспасөз қызметі
75-21-32, 75-28-44, 75-28-43