Қазақстан Республикасы Орталық сайлау комиссиясының Төрағасы Қуандық Тұрғанқұлов Халықаралық қатынастардың Ұлттық Демократиялық Институтының (NDI) Қазақстан Республикасындағы Өкілдігі Директоры Мэри Камминспен кездесті
2007 жылғы 19 ақпанда Қазақстан Республикасы Орталық сайлау комиссиясының Төрағасы Қуандық Тұрғанқұлов Халықаралық қатынастардың Ұлттық Демократиялық Институтының (NDI) Қазақстан Республикасындағы Өкілдігі Директоры Мэри Камминс ханымды оның өтініші бойынша қабылдады.
Кездесу барысында Қазақстан Республикасындағы сайлау процесстерін одан әрі демократияландыру мәселелері, сондай-ақ Орталық сайлау комиссиясы мен NDI арасындағы өзара ынтымақтастықты одан әрі дамыту бойынша пікір алмасылды.
"Қазақстан Республикасының Орталық сайлау комиссиясы ашық және демократиялық сайлауларға қолдау көрсететін Ұлттық Демократиялық Институтпен көптен бері ынтымақтастықта жұмыс істеп келеді. Мемлекетімізде демократияны дамытуға және нығайтуға бағытталған институттардың бірі ретінде, Орталық сайлау комиссиясы біздің ынтымақтастығымыздың тең құқылы негізде одан әрі дамуына мүдделі",- деп атап өтті Қуандық Тұрғанқұлов.
Тараптар NDI өкілдерінің Орталық сайлау комиссиясы жанынан құрылған сайлау заңнамаларын жетілдіру бойынша жұмыс тобының құрамында болуына қанағаттанатындықтарын білдірді және ынтымақтастықты одан әрі дамытуға келісті.

Қазақстан Республикасы
Орталық сайлау комиссиясының
Баспасөз қызметі
тел. 75-21-32, 75-28-44, 75-28-43
e-mail: inform@election.kz