2019 жылғы 27 сәуірде Қазақстан Республикасы Орталық сайлау комиссиясында лингвистикалық комиссияның отырысы өтті

2019 жылғы 27 сәуірде Қазақстан Республикасы Орталық сайлау комиссиясында «Ауыл Халықтық-демократиялық патриоттық партиясы» қоғамдық бірлестігінен ұсынылған Төлеутай Сатайұлы Рақымбековтың мемлекеттік тілді еркін меңгергендігін анықтау бойынша лингвистикалық комиссияның отырысы өтті.

Лингвистикалық емтихан барлық үш кезең бойынша өтті: тақырып бойынша жазбаша тапсырма жазу, мәтін оқу және лингвистикалық комиссия берген тақырыпқа көпшілік алдында кемінде он бес минут сөз сөйлеу. Емтихан тапсырылғаннан кейін лингвистикалық комиссия талқылау өткізіп, қорытындылады. Отырысқа Орталық сайлау комиссиясының мүшесі Ләззәт Жаңылысқызы Сүлеймен қатысты.

Комиссия жұмысы ашық және жариялы түрде жүзеге асырылды, ал бұқаралық ақпарат құралдары емтиханның басталуын және қорытынды нәтижелері шыққаннан кейін бірден байқауға мүмкіндік алды. Отырыстың қорытындысын лингвистикалық комиссия мүшесі, филология ғылымдарының докторы, профессор, Қазақстан Республикасы Ұлттық ғылым академиясының корреспондент-мүшесі, А.Байтұрсынұлы атындағы Тіл білімі институтының директоры Қажыбек Ерден Задаұлы баяндады.

Жазбаша жұмыс «Біздің күшіміз - бірлікте» тақырыбында болды. Жазбаша жұмыс мазмұны, стилі, емлесі, тыныс белгілері бойынша бағаланды.

Екінші тапсырма бойынша үміткер жазушы Мұхтар Әуезовтің «Абай жолы» романын таңдады.

Үшінші тапсырма бойынша Президенттікке үміткер «Елорда – тәуелсіздік тұғыры» тақырыбы бойынша өз ойын 15 минутта ауызша айтып берді. Үміткер тапсырмаларды орындау үшін берілген уақытты толыққанды пайдаланды. Комиссия мүшесінің айтуынша, барлық үш жұмысы да сапалы орындалған. Лингвистикалық емтихан қорытындысы бойынша үміткер мемлекеттік тілде тиісті біліктілік деңгейін көрсетті.

Емтихан қорытындысы бойынша лингвистикалық комиссия Қазақстан Республикасының Президенттігіне үміткер Төлеутай Сатайұлы Рақымбековтың мемлекеттік тілді еркін меңгергендігі туралы ашық дауыспен шешім қабылдады.