ҚР ОСК мүшесі Л.Ж.Сүлейменнің Алматы облысына жұмыс сапары болды

2018 жылғы 16 қазанда Алматы облысы әкімі аппаратында қала және аудан әкімдері аппараттарының басшыларының, мәслихат хатшыларының, аумақтық сайлау комиссияларының төрағалары мен хатшыларының, қала және аудан әкімдері аппараттарының сайлау базасын қалыптастыруға жауапты қызметкерлері мен электораттық оқытудың тренерлерінің қатысуымен "Сайлау мәселелері бойынша кейбір заңнамалық актілерге өзгерістер мен толықтырулар енгізу туралы" Заңын іске асыру мәселелері бойынша жиналыс болды. Жиналыс жұмысына ҚР Орталық сайлау комиссиясы өкілдері: ҚР ОСК мүшесі Ләззат Жаңылысқызы Сүлеймен, электораттық оқытуды ұйымдастыру бөлімінің бас консультанты Түсіп Жетенұлы Рыспеков, ҚР ОСК "Инженерлік-техникалық орталығы" РМК директорының орынбасары Арайлым Тілеуханқызы Елімсарина қатысты.

Жиналыс семинар нысанында ұйымдастырылып, оның барысында Ләззат Сүлеймен Қазақстан Республикасының сайлау заңнамасына енгізілген жаңалықтар: пропорционалды негізде жергілікті мемлекеттік өкілдік органдарының (мәслихаттардың) қалыптасуы, сайлау процесінің жеке құқықтық нормалары мен институттарын жетілдіру, сондай-ақ мүмкіндіктері шектеулі азаматтардың сайлау құқықтарын одан әрі қамтамасыз етудің тәжірибелік мәселелері туралы баяндады.

Арайлым Елімсарина Алматы облысы бойынша сайлаушылар тізімі туралы мәліметтерді талдап, ІТ-технологияларды пайдалану негізінде сайлаушылар тізімдерін өзектілендіру және нақтылау туралы айтып берді.

Түсіп Рыспеков Бюджеттік кодекске сайлау процесінің қатысушыларын оқытуға жергілікті бюджет шығыстарына қатысты, сондай-ақ «ҚР жергілікті мемлекеттік басқару және өзін-өзі басқару туралы» ҚР заңына сайлау процесіне қатысушыларды оқытуды қамтамасыз ету бойынша әкімдіктерге құзыреттіліті үлестіруге қатысты толықтыруларды жүзеге асыру туралы түсінік берді.

17 қазан күні ҚР Орталық сайлау комиссиясы өкілдері Есік қаласындағы барлық деңгейдегі сайлау комиссиялары мүшелерінің қатысуымен тағы бір семинар өткізеді, онда сайлау заңнамаларының заңдар жинағы талқыланады.