ҚР ОСК Л.Н. Гумилев атындағы Еуразиялық ұлттық университеттің магистранттарымен оқыту семинар-тренингін өткізді

А.ж. 5 қазанда ҚР Орталық сайлау комиссиясы баспасөз орталығының республикалық маңызы бар Шымкент қаласынан ҚР Парламенті Сенатының депутаттарын сайлаудағы жұмысының шеңберінде Л.Н. Гумилев атындағы Еуразиялық ұлттық универститеті Журналистика және саясаттану факультетінің магистранттарымен тәжірибелік семинар-тренинг өткізілді.

Тренинг барысында ҚР ОСК Хатшысы С.С. Мұстафина сайлау процесін жария етудің негізгі қағидаттарын түсіндіре отырып сөз сөйледі.

Саясаттанудың болашақ магистрлері Парламент Сенатының депутаттарын сайлауда таңдаушыларды электрондық тіркеу және дауыс берудің алдын-ала қорытындыларын онлайн-режимде көрсетуге қатысып, көрнекі қарау мүмкіндігіне ие болды. Электрондық жүйенің ерекшеліктерімен семинарға қатысушыларды «ҚР ОСК ИТО» РМК директоры Е.С. Қосмұратов таныстырды.

Сондай-ақ магистранттар – жас сайлаушылар алдында Электораттық оқытуды ұйымдастыру бөлімінің меңгерушісі М.Қ. Бөлеева елдің жас буынының электораттық-құқықтық мәдениетін арттыру жөніндегі тақырыпта сөз сөйледі.