Орталық сайлау комиссиясының мүшесі сайланды

2018 жылғы 5 қыркүйекте Қазақстан Республикасы Парламенті Мәжілісінің пленарлық отырысында Ихданов Ақылбек Жамелович Қазақстан Республикасы Орталық сайлау комиссиясының мүшесі болып сайланды.

А.Ихданов1964 жылдың 1 қаңтарында Атырау қаласында дүниеге келген.

1985 жылы Алма-Ата халық шаруашылығы институтын экономист мамандығы бойынша тәмәмдады.

Еңбек жолын 1985 жылы Қазақ КСР Тұрғын үй-коммуналдық шаруашылығы министрлігінің абаттандыру және коммуналдық кәсіпорындар басқармасының экономисі ретінде бастады.

1987 - 1988 жж. – Алма-Ата ауыр машина жасау зауытының ұсталық-баспақтау цехының нормалаушы-инженері.

1988 - 1990 жж. – Қазақ КСР Еңбек және әлеуметтік мәселелер жөніндегі мемлекеттік комитетінің еңбек және өндірісті басқаруды ғылыми ұйымдастырудың республикалық салааралық орталығының экономисі, 2-санаттағы экономисі.

1990 - 1991 жж. – КСРО-ның Еңбек және әлеуметтік мәселелер жөніндегі мемлекеттік комитеті Еңбек ғылыми-зерттеу институтының қазақ филиалының кіші ғылыми қызметкері.

1991 -1992 жж. – Қазақстан Республикасы Еңбек министрлігінің Бас жиынтық-экономикалық басқармасының бас экономисі.

1992 - 1996 жж. – Қазақстан Республикасы Еңбек министрлігінің Бас жиынтық-экономикалық басқармасы бастығының орынбасары – жиынтық бөлімінің бастығы.

1996 - 1998 жж. – Қазақстан Республикасы Президенті Әкімшілігінің Ұйымдастыру-бақылау бөлімінің сарапшысы, аға сарапшысы, сектор меңгерушісі.

1998 - 2004 жж. – Қазақстан Республикасы Президенті Әкімшілігінің Ұйымдастыру-бақылау бөлімінің мемлекеттік инспекторы.

2004 - 2005 жж. – Қазақстан Республикасы Президенті Әкімшілігінің Ұйымдастыру-бақылау жұмысы және кадрлық саясат басқармасының Ұйымдастыру-бақылау бөлімінің бас инспекторы.

2005 - 2008 жж. – Қазақстан Республикасы Президенті Әкімшілігінің Мемлекеттік бақылау және ұйымдастыру жұмысы бөлімінің бас инспекторы, мемлекеттік инспекторы.

2008 - 2009 жж. – Шығыс Қазақстан облысы әкімі аппаратының басшысы.

2009 - 2009 жж.- «Нұр Отан» Халықтық-Демократиялық партиясы Төрағасының бірінші орынбасарасының кеңесшісі.

2009 - 2011 жж. – «Нұр Отан» ХДП Орталық аппаратының ұйымдастыру-партиялық жұмысы департаментінің директоры.

2011 - 2014 жж. – Қазақстан Республикасы Парламентінің Мәжілісінде «Нұр Отан» партиясының фракциясы аппаратының басшысы.

2014 - 2016 жж. – Қазақстан Республикасы Президенті Әкімшілігінің Мемлекеттік бақылау және ұйымдастыру-аумақтық жұмысы бөлімінің мемлекеттік инспекторы.

2016 - 2018 жж. – «Нұр Отан» партиясының Орталық аппаратының басшысы.

Наградалары: «Құрмет» ордені, «Ерен еңбегі үшін» медалі (2007), мерейтойлық медальдар.