Орталық сайлау комиссиясы ұжымы жалпы қалалық сенбілікке шықты

2018 жылғы 12 мамырда Қазақстан Республикасы Орталық сайлау комиссиясы ұжымы санитарлық тазалау, көріктендіру және көгалдандыру жұмыстары бойынша «Біз таза астана үшін!» ұранымен сенбілікке белсенді қатысты.

Астана қаласы «Сарыарқа» ауданы аумағында ағаш отырғызу жұмыстары жүргізілді.

Сонымен қатар, сенбілік үшін Астана қаласы әкімдігі тарапынан арнайы техника жұмылдырылып, сондай-ақ, жұмыс істеуге қажетті құрал-саймандармен қамтылу ұйымдастырылды.

Астанада көктемде және күзде тұрақты өтетін қалалық сенбіліктерге қатысу Ортсайлауком үшін дәстүрге айналды.