ҚР ОСК–да Қазақстан Республикасындағы Үндістан Республикасының Елшісімен кездесу өтті

2018 жылғы 13 наурызда Қазақстан Республикасы Орталық сайлау комиссиясы Төрағасының орынбасары К. Петров және ҚР ОСК хатшысы С.Мустафина Үндістан Республикасының Қазақстан Республикасындағы Елшісі П.Кумармен кездесті.

Үндістан Елшісі кездесуді ұйымдастырып, өткізгені үшін ҚР ОСК басшылығына алғысын білдіре отырып, Үндістан Республикасында сайлау науқандарын дайындау және өткізу ерекшеліктері, электронды машиналар және сайлау бюллетеньдерін пайдалану туралы айтып өтті.

Өз кезегінде, ҚР ОСК Хатшысы С. Мұстафина Үндістанның осы саладығы тәжірибесіне және Үндістанның демократия және сайлауды басқару жөніндегі халықаралық институтының электораттық оқыту саласындағы жұмысын үйренуге қызығушылық танытты.

Кездесу соңында тараптар сайлау процесстерін жетілдіру және демократиялық стандарттар бойынша екіжақты ынтымақтастықты ары қарай дамытуға сенім білдірді.