ҚР ОСК мүшесі Б. Мелдешов ҚР Президентінің жанындағы Мемлекеттік басқару академиясында дәріс оқыды

2018 жылы 28 ақпанда Қазақстан Республикасы Орталық сайлау комиссиясының мүшесі Бахыт Мелдешов Қазақстан Республикасы Президентінің жанындағы Мемлекеттік басқару академиясында «Өндірлік саясат» семинарының шеңберінде «Қазақстан Республикасы мәслихаттары депутаттарының сайлауын әзірлеудің және өткізудің ерекшеліктері» тақырыбында дәріс оқыды.

Тыңдармандар Қазақстан Республикасы мәслихаттары депутаттарының сайлауын әзірлеу мен өткізудің барлық кезеңдері туралы, мәслихаттардың депутаттарын сайлауды, тағайындау, мәслихат депутаттығына кандидаттарды ұсыну, тіркеу, сайлаушылардың тізімдерін жасау, сайлау алдындағы үгітті жүргізуден бастап, дауыс беру, дауыстарды санау, қорытындыларды шығару, оларды жариялау және Қазақстан Республикасы мәслихаттарының сайланған депутаттарын тіркеуге дейін толық ақпарат берілді.

Дәріс барысында 2016 жылғы Қазақстан Республикасы мәслихаттар депутаттарын кезекті сайлаумен 2016 ж. қазанда, 2017 жылғы наурыз бен қазанда шығып қалғандар орнына өткізілген сайлау мәселелері талқыланды.

Дәріс шеңберінде осы тақырып бойынша пікір алмасу жүргізілді.