Қазақстан Республикасы Орталық сайлау комиссиясы мен Қазақстандағы БҰҰ Даму Бағдарламасы сайлау комиссиялары мүшелерінің, соттар мен бұқаралық ақпарат құралдары өкілдерінің кәсіби деңгейін арттыру жөнінде тренинг өткізді.
2009 жылғы 12-13 ақпанда Шымкент қаласында «Сайлау процесін ұйымдастыру қырлары және бұқаралық ақпараттық құралдарында сайлаудың ақпараттық қамтамасыз етілуі», «ҚР-сындағы электораттық процестің құқықтық негізі» тақырыптарында тренингтер өтті.
Осы тренингтерді Орталық сайлау комиссиясы Қазақстандағы БҰҰДБ өкілдігінің қолдауымен «Қазақстан Республикасы Орталық сайлау комиссиясына техникалық жәрдемдесу» атты Ортсайлауком мен Қазақстандағы БҰҰДБ-ның бірлескен жобасын іске асыру шеңберінде ұйымдастырды.
Тренингке қатысу үшін Оңтүстік Қазақстан облыстық аумақтық сайлау комиссиясының және округтік сайлау комиссияларының мүшелері, облыстық соттың, аудандар мен Шымкент қ. соттарының өкілдері және бұқаралық ақпарат құралдарының өкілдері шақырылды.
Тренингке қатысушылар сайлау комиссияларының, мемлекеттік органдар мен сайлау процесіне қатысушылардың сайлау заңнамасы нормаларының сайлау науқанының барлық кезеңдерінде сақталуын қамтамасыз ету жөніндегі бірлескен іс-қимылдарын үйлестіру мәселелерін қарады.
Тренинг барысында Оңтүстік Қазақстан облысы сайлау комиссияларының сайлау процесіне қатысушыларымен жұмысын ұйымдастырумен және өзара іс-қимыл жасауымен, Қазақстан Республикасындағы сайлау процесіндегі заңнамалық өзгерістермен тікелей байланысты мәселелер бойынша пікір алмасу жүргізілді.

Қазақстан Республикасы
Орталық сайлау комиссиясының
баспасөз орталығы
тел. 75-21-32, 75-28-43, 75-28-44