Қазақстан Республикасы Орталық сайлау комиссиясының Төрағасы ЕҚЫҰ/ДИАҚБ-ның Директоры Янеш Ленарчичпен кездесті
2009 жылғы 29 сәуір күні Қазақстан Республикасы Орталық сайлау комиссиясының Төрағасы Қуандық Тұрғанқұлов Еуропадағы қауіпсіздік және ынтымақтастық ұйымы Демократиялық институттар және адам құқықтары бюросының (ЕҚЫҰ/ДИАҚБ) Директоры Янеш Линарчичты оның өтініші бойынша қабылдады. Кездесуге ЕҚЫҰ/ДИАҚБ-ның, ҚР Сыртқы істер министрлігінің өкілдері қатысты.
Кездесу барысында тараптар ҚР ОСК мен ЕҚЫҰ/ДИАҚБ арасындағы әріптестікті тереңдету перспективалары, Қазақстан Республикасының сайлау жүйесін әлемде мойындалған жалпыеуропалық стандарттарға сәйкес одан әрі дамыту саласындағы өзара тәжірибе алмасуы, сондай-ақ Қазақстанның ЕҚЫҰ-ға 2010 жылы төрағалық етуі аясында Қазақстанның саяси жүйесінің даму жолдары туралы туралы пікір алмасты.
Ортсайлауком Төрағасы қазақстандық тарап ЕҚЫҰ Миссиясының еліміздегі сайлауларды байқау нәтижелері бойынша ұсынымдарын мұқият талдап отыратынын және біздің қоғамымызда қабылдауға болатын нормаларын ұлттық сайлау заңнамасын жетілдіру бойынша жұмыс барысында ескеріп отыратынын атап өтті.
Сондай-ақ, Қуандық Тұрғанқұлов Ортсайлаукомның ЕҚЫҰ/ДИАҚБ-ның соңғы кездері сайлауларды халықаралық байқауда ЕҚЫҰ-ға мүше елдердің сайлауларды байқау бойынша Миссияларында тиісті георгафиялық және сандық өкілдігін қамтамасыз етуді көздейтін тепе-теңдік ұстанымын тәжірибе жүзінде іске асыруда жасап отырған қадамдарын қолдайтынына назар аударды.
онымен қатар ОСК Төрағасы ЕҚЫҰ/ДИАҚБ қызметін одан әрі жетілдіру және осы ұйым аясында ынтымақтастықты одан әрі дамыту бойынша бірқатар ұсыныстар айтты.
«Біздің пікірімізше, ЕҚЫҰ-ға мүше елдердің заңнамасында халықаралық байқаушылар мәртебесін бекіту жөніндегі бірлескен қадамдар жасаған, сондай-ақ, ЕҚЫҰ-ға мүше елдер заңнамаларының салыстырмалы талдауын жүргізіген жөн болар еді, өйткені демократиялық сайлау процесінің негіз қалаушы нормаларын заңнамалық тұрғыдан шешудегі халықаралық тәжірибе бүгінгі күні өте өзекті мәселе болып отыр», - деп атап өтті Қ. Тұрғанқұлов мырза.
Янеш Ленарчич, өз кезегінде, Қазақстан Республикасының сайлау заңнамасын демократиялық сайлаулардың халықаралық стандарттарына сәйкестендіру бойынша жұмыс аясында қалыптасқан ынтымақтастық тәжірибесіне қанағаттанушылық білдірді, сондай-ақ ЕҚЫҰ/ДИАҚБ-ның Қазақстан Республикасы Орталық сайлау комиссиясымен кең ауқымды мәселелер бойынша өзара пікірлестігіне мүдделі екенін айтты.

Қазақстан Республикасы
Орталық сайлау комиссиясының
баспасөз орталығы
тел. 75-21-32, 75-28-43, 75-28-44