ҚР Орталық сайлау комиссиясы Төрағасының орынбасары В.Фоос және комиссия мүшесі Л. Сүлеймен Түркітілдес елдердің Парламенттік Ассамблеясынан байқаушылар делегациясымен кездесті

2017 жылғы 27 маусымда Қазақстан Республикасы Орталық сайлау комиссиясы Төрағасының орынбасары В.Фоостың және комиссия мүшесі Л. Сүлейменнің Түркітілдес елдердің Парламенттік Ассамблеясынан байқаушылар делегациясымен кездесуі өтті.

Кездесуде: Ж. Асанов - ТүркПа Бас Хатшысы; А. Агаев - ТүркПА-ның қаржылық және ұйымдастырушылық мәселелер бойынша әкімшісі; Д.Фейзиев - Әзірбайжан Республикасының Милли Меджлис депутаты; М. Исен - Түркия Республикасының Ұлы Ұлттық жиналысының депутаты; Т. Зулпукаров - Қырғыз Республикасының Жогорку Кенеш депутаты қатысты.

Кездесу барысында, Ортсайлауком басшысының орынбасары байқаушылардыОрталық сайлау комиссиясының Қазақстан Республикасы Парламенті Сенатының депутаттарын сайлау жөніндегі қызметімен таныстырды, сондай-ақсайлау науқанының ерекшеліктері туралы,сайлау күніне дайындық барысы туралыайтып берді және осы сайлаудың ерекшелігі - бірінші ретсайлаушыларды электрондық тіркеу қолданылатынында екенін атап өтті.

Өз кезегінде, Ж. Асанов мырза Қазақстан Республикасы Парламенті Сенатының депутаттарын сайлауды бақылауға шақырғаны үшін алғысын білдірді, сайлауға дайындықтың ұйымдастырушылық жұмысы жоғары сапасын атап өтті және Қазақстан Республикасы Орталық сайлау комиссиясына сайлау науқанын табысты өткізуін тіледі.

Өз тарапынан В.Фоос ТүркПА-ның сарапшылары сайлауды байқаудыжоғары кәсіби деңгейде жүргізетініне сенімін білдірді, сондай-ақ ол ҚР ОСК ТүркПА делегациясына сайлауды байқауда ақпараттық қолдау беруге дайын деп сендірді.