БАСПАСӨЗ РЕЛИЗІ

2017 жылғы 20 маусымда Қазақстан Республикасы Орталық сайлау комиссиясы Төрағасының орынбасары В.Фоостың қатысуымен Қазақстан Республикасы Парламенті Сенатының депутаттарын сайлауды ұйымдастыру мен өткізу барысы мәселелері бойынша семинар кеңес өткізілдi

ҚР ОСК Төрағасының орынбасары В.К. Фоостың қатысуымен қалалық және аудандық мәслихаттардың хатшыларымен, облыстық, қалалық және аудандық әкімдері аппараттарының басшыларымен, аумақтық және учаскелік сайлау комиссияларының төрағаларымен және хатшыларымен, Қостанай облыстық сайлау комиссиясының мүшелерімен Қазақстан Республикасы Парламенті Сенатының депутаттарын сайлауын ұйымдастыру мен өткізу мәселелері бойынша семинар кеңес өткізілді. Семинар кеңес жұмысына барлығы 80 адам қатысты.

Фоос В.К. семинарға қатысушыларға Қазақстан Республикасы Парламентінің Сенатына депутаттарды сайлау науқанының барысы туралы мәлімдеме жасады. Сайлау алдындағы үгіт кезеңінде барлық кандидаттар үшін бірдей жағдайлар жасау мәселелеріне ерекше көңіл бөлінді.

28 маусым – сайлау күні таңдаушы депутаттарды электрондық тіркеу, халықаралық байқаушылардың, сондай-ақ облыстың саяси және қоғамдық бірлестіктерінің қатысуы мәселелер талқыланды.

Облыс мәслихаттарының хатшылары, аумақтық сайлау комиссияларының мүшелері қызметтің түрлі бағыттары бойынша тәжірибелерімен бөлісіп, семинар-кеңестегі талқыланған тақырыптар бойынша пікір алмасты.