2010 жылғы 23 сәуірде Қостанай облысынан шығып қалғанның орнына Қазақстан Республикасы Парламенті Сенатының депутатын сайлау өтті
Қазақстан Республикасы Орталық сайлау комиссиясының қаулысына сәйкес ағымдағы жылдың 23 сәуірінде Қостанай облысынан шығып қалғанның орнына Қазақстан Республикасы Парламенті Сенатының депутатын сайлау өтті.
Сайлау науқаны барысында барлығы екі кандидат ұсынылды, оларды Қостанай облыстық сайлау комиссиясы 1-ші сәуір күні тіркеді. Тіркелген кандидаттардың аты-жөні сайлау бюллетеніне енгізілді.
Дауыс беру, дауыстарды санау мен нәтижелерін жариялауды Қостанай облыстық сайлау комиссиясы бір күн ішінде – 23 сәуірде – жүргізді.
Қостанай облыстық сайлау комиссиясының алдын-ала мәліметтеріне сәйкес, сайлау өткізілген деп танылды.
Таңдаушылардың сайлауға келуі 95,7 % құрады.
Тізімге енгізілген 300 таңдаушының дауыс беруге 287-і немесе жалпы
санының 95,7 % қатысты.
Дауыс беру барысы мен дауыстарды санау рәсімін байқауды 23 кандидаттардың сенім білдіріліген адамдары, саяси партиялардың, қоғамдық бірлестіктер мен БАҚ өкілдері іске асырды.
Алдын-ала мәліметтер бойынша, Жеңіс Мирасұлы Нұрғалиевке 265 таңдаушы немесе таңдаушылардың 92,7 % дауысын берген, ал Асқар Аронұлы Мұратовқа 21 таңдаушы немесе олардың 7,3 % дауысын берген Бір сайлау бюллетені жарамсыз деп танылған.
Сайлау заңнамасына сәйкес, сайлаудың түпкілікті қорытындыларын Орталық сайлау комиссиясы 2010 жылғы 29-шы сәуірден кешіктірмей шығаратын және 2-ші мамырдан кешіктірмей БАҚ-та жариялайтын болады.
Жалпы алғанда сайлау науқаны сайлау заңнамасы нормаларына сәйкес өтті. Орталық сайлау комиссиясына келіп түскен шағымдар мен өтініштер жоқ.

Қазақстан Республикасы
Орталық сайлау комиссиясының
баспасөз орталығы
тел. 75-21-32, 75-28-43, 75-28-44