2011 жылғы 11 ақпан күні Қазақстан Республикасы Сыртқы істер министрлігінде шет мемлекеттердің дипломатиялық миссиялары мен халықаралық ұйымдардың өкілдері үшін Қазақстан Республикасы Орталық сайлау комиссиясы ұйымдастырған брифинг болып өтті
2011 жылғы 11 ақпан күні Қазақстан Республикасы Сыртқы істер министрлігінде шет мемлекеттердің дипломатиялық миссиялары мен халықаралық ұйымдардың өкілдері үшін Қазақстан Республикасы Орталық сайлау комиссиясы ұйымдастырған брифинг болып өтті.
39 алыс және жақын шет мемлекеттердің, Еуропалық одақ пен ЕҚЫҰ Орталығының өкілдері қатысқан кездесу барысында Қазақстан Республикасы Орталық сайлау комиссиясы Төрағасының орынбасары Владимир Фоос Қазақстан Республикасы Президентін сайлау бойынша сайлау науқанының барысы туралы хабардар етті және сұрақтарға жауап берді.
Конституцияға және сайлау заңнамасына енгізілген соңғы жаңалықтар туралы айта келе, Ортсайлауком Төрағасының орынбасары олардың Президенттің кезектен тыс сайлауын ұйымдастыру мен өткізу мерзімдеріне қатысты екенін баса айтты. Бұл өзгерістерге сәйкес Президенттің кезектен тыс сайлауы тағайындалған күннен бастап екі ай ішінде өткізіледі.
Сайлауды заңмен белгіленген мерзімде өткізу үшін кандидаттар мен сайлау комиссиялары үшін барлық сайлау рәсімдері мерзімін қысқарту керек болды.
Бұл ретте, 10 ақпан күні Ортсайлауком аумақтық сайлау комиссияларының Президенттікке кандидаттарды қолдап қол жинау парақтарын тексеру мерзімін он күннен бес күнге дейін және Ортсайлаукомның кандидаттарға, олардың Конституция мен сайлау туралы заңда белгіленген талаптарға сәйкестігі анықталған соң, қол қою парақтарын беру мерзімін бес күннен екі күнге дейін қысқарту туралы қаулы қабылдады.
Ортсайлауком Басшысының орынбасары қатысушыларды Президенттікке кандидаттарды ұсыну барысы және үміткерлердің Конституция мен сайлау туралы заңда белгіленген талаптарға сәйкестігін анықтау рәсімі туралы хабардар етті.
Брифингті аяқтай келе Владимир Фоос Орталық сайлау комиссиясы барлық сайлау процесіне қатысушылармен байланыста жұмыс істеуге, халықаралық ұйымдармен және шетелдік байқаушылармен, шетелдік бұқаралық ақпарат құралдарының өкілдерімен ынтымақтастыққа ашық екенін, сондай-ақ сайлау науқаны барысы туралы ағымдағы ақпаратпен жедел бөлісіп отыруға әзір екенін атап өтті.

Қазақстан Республикасы
Орталық сайлау комиссиясының
баспасөз орталығы
тел. 75-21-32, 75-28-43, 75-28-44