2011 жылғы 12 ақпан күні Орталық сайлау комиссиясы У.Ә.Қайсаровтың өзін-өзі ұсыну жолымен Президенттікке кандидат ретінде дауысқа түсу ниеті туралы 2011 жылғы 9 ақпандағы өтінішін қараусыз қалдырды
2011 жылғы 12 ақпан күні Орталық сайлау комиссиясы У.Ә.Қайсаровтың өзін-өзі ұсыну жолымен Президенттікке кандидат ретінде дауысқа түсу ниеті туралы 2011 жылғы 9 ақпандағы өтінішін қараусыз қалдырды. Өтінішті қарау барысында У.Ә.Қайсаров Ортсайлаукомға өзін-өзі ұсыну жолымен Президенттікке кандидат ретінде дауысқа түсу ниеті туралы 2011 жылғы 6 ақпанда өтінішін бергені және Ортсайлауком бұл өтініш бойынша барлық кажетті рәсімдерді өткізгені анықталды.
«Қазақстан Республикасындағы сайлау туралы» Конституциялық заңның 54-бабы 1-тармағына сәйкес, азамат Конституцияның 41-бабының 2-тармағында, сондай-ақ Конституцияның 33-бабының 2- және 3-тармақтарында, сайлау туралы Конституциялық заңның 4-бабында белгіленген талаптарды қанағаттандыруға тиіс.
Президенттікке кандидаттың Констиуция мен сайлау туралы Конституциялық заң оған қоятын талаптарға сәйкестігін Ортсайлауком азаматтың өзін-өзі ұсыну туралы өтінішін берген сәттен бастап бес күн ішінде белгілейді. Бұл ретте Президенттікке кандидаттың мемлекеттік тілді еркін меңгергендігін анықтау рәсімі Республика Констиуциялық Кеңесінің Констиуцияның 41-бабының 2-тармағына ресми түсіндірме беруі туралы актісіне сәйкес Ортсайлаукомның қаулысымен анықталады (сайлау туралы Конституциялық заңның 54-бабының 2-тармағы).
Осыған байланысты, үміткердің туған жерін, азаматтығын, Республикада соңғы он бес жыл тұру фактісін, сотталғандығының жоқтығын, сыбайлас жемқорлық қылмыс пен құқық бұзушылық жасағаны үшін сотқа тартылмағандығын, іс-әрекетке қабілеттілігін анықтау үшін әділет және ішкі істер министрліктеріне, сондай-ақ Бас прокуратураға сұрау жолданды.
Мемлекеттік тілді еркін меңгергендігін анықтау үшін Ортсайлаукомның 2005 жылғы 31 тамыздағы № 12/25 қаулысымен лингвистикалық комиссия құрылған (2011 жылғы 7 ақпандағы № 17/25 қаулымен оның құрамына өзгерістер енгізілген).
Лингвистикалық комиссия 2011 жылғы 8 ақпандағы отырысында (№2 хаттама) У.Ә.Қайсаров мемлекеттік тілді еркін меңгермеген деп белгіледі.
Сөйтіп, У.Ә.Қайсаров Констиуция мен «Қазақстан Республикасындағы сайлау туралы Конституциялық заң қоятын талаптардың біріне, нақты айтқанда, мемлекеттік тілді еркін меңгеру туралы талапқа, сәйкес келмейтіні анықталды. Осыған байланысты, сайлау туралы Конституциялық заңның 54-бабының 2-тармағына сәйкес, 2011 жылғы 9 ақпанда Президенттікке кандидат У.Ә.Қайсаровтың оған қойылатын талаптарға сәйкес келмейтіні туралы № 18/28 қаулы қабылданды.
Жоғарыда айтылғандардың негізінде, Қазақстан Республикасының Орталық сайлау комиссиясы У.Ә.Қайсаровтың өзін-өзі ұсыну жолымен Президенттікке кандидат ретінде дауысқа түсу ниеті туралы 2011 жылғы 9 ақпандағы өтінішін қараусыз қалдырды.

Қазақстан Республикасы
Орталық сайлау комиссиясының
баспасөз орталығы
тел. 75-21-32, 75-28-43, 75-28-44