2017 жылғы 1 наурызда ҚР Орталық сайлау комиссиясында   мәслихаттардың шығып қалған депутаттарының орнына кандидаттарды ұсыну қорытындылары мен тіркеу барысы туралы брифинг болды

Брифинг барысында ҚР ОСК хатшысы Б.С. Мелдешов 2017 жылғы
26 наурызда республиканың 58 сайлау округінде болатын мәслихаттардың шығып қалған депутаттарының орнына сайлауда кандидаттарды ұсыну кезеңінің аяқталғаны туралы хабардар етті.

13 депутат облыстық, 9 – қалалық, 36 – аудандық мәслихаттарға сайланады.

Сайлау науқанының барысында 201 кандидат ұсынылды, олардың 63-ін саяси партиялар, 138-сі өзін-өзі ұсынды.

Ұсынылған кандидаттар ішінде 154 (76,6 %) ер адам және 47 (23,4 %) әйел адам.

65 кандидат Қазақстан Республикасы саяси партияларының мүшелері болып табылады, 70-і партия қатарында жоқ, 66-сы партияға тиесілілігін көрсетпеген.

Ұсынылған кандидаттардың ішінде 6 ұлттың өкілі бар.

Кандидаттардың орташа жасы – 41 жас.

156 (77,6%) кандидаттың жоғары білімі, 34 (16,9 %) орта арнаулы білімі және 11 (5,5%) орта білімі бар.

54,2% – мемлекеттік мекемелердің, ұйымдар мен кәсіпорындардың қызметкерлері; 35,3% – коммерциялық құрылымдардың қызметкерлері 4,5% – саяси партиялар мен ҮЕҰ қызметкерлері; 3,5% – уақытша жұмыссыз; 1,5% – жұмыс орнын көрсетпеген; 1% – зейнеткерлер.

Қазіргі уақытта мәсихаттардың шығып қалған депутаттарының орнына кандидаттарды тіркеу жалғасуда. Алматы, Атырау, Шығыс Қазақстан, Қарағанды, Қызылорда, Павлодар облыстарында тіркеу бүгін, 1 наурызда, ал Астана қаласында 10 наурызда аяқталады.

2017 жылғы 1 наурыздағы жағдай бойынша округтік сайлау комиссиялары 184 кандидатты тіркеді.

Тіркеу мерзімі аяқталған соң тіркелген барлық кандидаттар 24 наурыз күнгі 24.00 сағатқа дейін жүретін сайлауалды үгітке кіріседі.

11 наурыздан бастап сайлау болатын округтердің сайлаушылары учаскелік сайлау комиссияларының үй-жайларында сайлаушылар тізімдерімен танысып, олардағы өзі туралы мәліметтерді тексеріп және оларда жіберілген дәлсіздіктерді анықтаған жағдайда, түзетулер енгізе алады.

Брифингтің соңында Б. Мелдешов сайлау науқаны қажетті қаржылық және материалдық-техникалық ресурстармен қамтамасыз етілгенін және сайлау заңнамасының нормаларына сәйкес өтіп жатқанын атап көрсетті.