Қазақстан Республикасы Орталық сайлау комиссиясының мүшесі К.В. Петров Қырғыз Республикасы сайлау және референдумдарды өткізу жөніндегі орталық комиссиясының Төрайымы Н. Шайлдбекованың шақыруы бойынша жұмыс сапарымен Қырғыз Республикасында.

Іссапар мақсаты – сайлаушылар тізімдерін құруды және дауыстарды электрондық санауды ұйымдастыру жөніндегі Қырғыз Республикасының тәжірибесін зерттеу.

Сапар барысында қазақстандық делегацияның Қырғыз Республикасы сайлау және референдумдарды өткізу жөніндегі комиссиясы Оқыту орталығының директорымен, Қырғыз Республикасы ОСК-ның ІТ-мамандарымен кездесу жоспарлануда.

Аталған кездесулердің басты тақырыбы сайлаушылар тізімдерін сәйкестендіру және құру, автоматтандырылған оқитын жәшікшенің (АОЖ) жұмысымен танысу мәселелері болады.