БАСПАСӨЗ-РЕЛИЗ

2017 жылға арналған электораттық оқыту бойынша Қазақстан Республикасы Орталық сайлау комиссиясының пилоттық жобасы іске қосылды

Қазақстан Республикасы Орталық сайлау комиссиясының мүшесі, заң ғылымдарының докторы, профессор Марат Алдаңғорұлы Сәрсембаев Қазақстан Республикасының Президенті жанындағы Мемлекеттік басқару академиясы Ұлттық мемлекеттік саясат мектебінің магистранттары алдында «Қазақстандағы 2016 жылғы парламенттік сайлау халықаралық ұйымдардың бағаларында» тақырыбы бойынша дәріс өткізді.

Магистранттармен кездесу барысында халықаралық ұйымдардың, соның ішінде 2016 жылғы 20 наурызда парламенттік сайлауды байқау жөніндегі ЕҚЫҰ/ДИАҚБ Миссиясының ұсынымдары талқыланды.

Дәріс соңында талқыланған тақырып бойынша пікір алмасу және тиісті сұрақтарға жауап берілді.