БАСПАСӨЗ РЕЛИЗІ

Сайлау процесіне қатысушыларды құқықтық оқытуды ұйымдастыру және сайлау заңнамасын жетілдіру мәселелері бойынша семинар-кеңес Ақтөбе қаласында

2016 жылғы 29 қарашада өтті

Сайлау процесіне қатысушыларды сайлау науқаны кезінде, сондай-ақ сайлаулар аралығында құқықтық оқыту мәселелері бойынша Қазақстан Республикасы Орталық сайлау комиссиясының хатшысы Б.С.Мелдешовтың қатысуымен семинар-кеңес Ақтөбе қаласында 2016 жылғы 29 қарашада өтті.

Сайлау комиссияларының мүшелері, саяси партиялар филиалдарының, қоғамдық бірлестіктердің, жоғары оқу орындарының өкілдері сайлауды ұйымдастырушыларды қосымша оқыту, сайлау процесіне қатысушылардың электораттық мәдениетін арттыру жөніндегі шараларды ұйымдастыруға қатысты мәселелерді талқылады.

Жастарды сайлау процесіне қатысуға тарту, олардың бойында белсенді азаматтық ұстанымды тәрбиелеу, қазіргі заманғы оқыту әдістері мен үлгілерін қолдану мәселелері көтерілді.

Сонымен қатар, семинар-кеңестің жұмысы барысында, сайлау комиссияларының, жергілікті өкілді органдардың, үкіметтік емес ұйымдардың және азаматтық қоғам институттарының тиімді өзара іс-қимылы мәселесі талқыланды.

Семинарға қатысушылар барлық сайлау процесіне қатысушылардың құқықтық сауаттылығын арттыруға бағытталған, оқыту іс-шараларын өткізу жөнінде бірқатар нақты ұсыныстар мен ұсынымдар енгізді.

Аумақтық сайлау комиссияларының мүшелері қызметтің әртүрлі бағыттары бойынша жұмыс тәжірибесімен бөлісіп, семинар-кеңесте талқыланған тақырыптар бойынша пікір алмасты.