БАСПАСӨЗ РЕЛИЗІ

Қазақстан Республикасының өкілдері Ресей Федерациясы Федералдық Жиналысының Мемлекеттік Думасы депутаттарының сайлауын байқауға қатысады

2016 жылғы 18 қыркүйекте Ресей Федерациясында жетінші шақырылған Ресей Федерациясы Федералдық Жиналысы Мемлекеттік Думасының 450 депутатын сайлау өтеді. Мемлекеттік Думаның 225 депутаты 225 бір мандаттық сайлау округтері бойынша және Мемлекеттік Думаның тағы 225 депутаты саяси партиялардың сайлау тізімдері бойынша сайланады.

Дауыс беру Ресей Федерациясы аумағындағы 94 мыңнан астам сайлау учаскесінде және одан тысқары жерлердегі 371 сайлау учаскесінде өтеді.

Алдағы сайлауға байқаушылар ретінде барлығы Қазақстан Республикасының 83 өкілі аккредиттелді, олардың ішінде: Тәуелсіз Мемлекеттер Достастығынан байқаушылар Миссиясының құрамында – 72 байқаушы; ЕҚЫҰ/ДИАҚБ Миссиясының құрамында – 8 байқаушы; Шанхай ынтымақтастық ұйымынан – 2 байқаушы.

Қазақстандық делегация құрамында алдағы сайлауды байқауға Қазақстан Рсепубликасы Орталық сайлау комиссиясының мүшелері Т.В. Охлопкова (ТМД-дан байқаушылар Миссиясы құрамында) және Л.Ж. Сүлеймен (ШЫҰ-дан байқаушылар Миссиясы құрамында), сондай-ақ Ортсайлауком аппаратының қызметкерлері (ТМД-дан байқаушылар Миссиясы құрамында) қатысады.

ҚР ОСК мүшесі Л.Ж. Сүлеймен сондай-ақ «Жаһандық әлемдегі электораттық егемендік: демократиялық институттарды дамытудағы және азаматтардың сайлау құқықтарын қамтамасыз етудегі ұлттық стратегиялар» тақырыбында өтетін халықаралық конференцияға қатысады. Оның сөйлейтін сөзінің тақырыбы: «Қазақстан Республикасындағы халықаралық байқау институты: қазіргі жағдайы мен даму перспективалары».

Конференцияны ұйымдастырушылар Ресей заңгерлерінің қауымдастығы, «Полицентричный мир» үкіметтік емес қоры және Ресей СІМ Мәскеу мемлекеттік халықаралық қатынастар институты (университеті) болып табылады.