2016 жылғы 31 мамырда Қазақстан Республикасы Орталық сайлау комиссиясы Төрағасының орынбасары В.К. Фоостың ГФР Бундестагының депутаты, ЕКПА-дағы Еуропа халықтық партиясы парламенттік тобының төрағасы А.Э. Фишермен кездесуі болды.

Кездесуге, сондай-ақ Еуропа Кеңесі Парламенттік Ассамблеясының Саяси мәселелер жөніндегі комитетінің хатшысы Павел Шевченко және Ортсайлаукомның мүшесі Марат Сәрсембаев қатысты.

Фоос мырза Фишер мырзаны 2015 жылғы Қазақстан Республикасының Президентін сайлау жөніндегі және 2016 жылғы 20 наурызда болған Қазақстан Республикасы Парламенті Мәжілісінің депутаттарын сайлау жөніндегі науқандарды қамтыған электораттық циклдің қорытындыларымен және ерекшліктерімен таныстырды, сондай-ақ кездесуге қатысушыларды сайлаудың негізгі кезеңдері, кандидаттар мен саяси партияларды қаржыландыру тәртібі, сайлаушылардың келуі және сайлау комиссияларының жұмысын ұйымдастыру туралы ақпараттандырды.

Фишер мырза қазақстандық сайлау жүйесімен толық таныстыру рәсімі үшін ризашылығын білдірді. «Сіздер, шынында да үлкен жұмыс атқардыңыздар, маған Қазақстандағы сайлаудың барлық демократиялық стандарттар сақтала отырып жоғары деңгейде өткізілгені әсер етті» - деп атап өтті ол.

Кездесуге қатысушылар Қазақстанның Еуропа Кеңесімен ынтымақтастықты одан әрі дамыту проблемаларын талқылауға ерекше көңіл бөлді. Сонымен қатар, әңгіме байланысты, әсіресе Венециялық комиссияның Орталық сайлау комиссиясымен Қазақстан Республикасының сайлау заңнамасын жетілдіру мәселелері жөніндегі сарапшылық өзара іс-әрекет бөлігінде, тереңдету қажеттігі туралы болды. Еуропа Кеңесі Парламенттік Ассамблеясының өкілдері басталған диалогты жалғастырудың және Еуропа Кеңесіне мүше-мемлекеттердің арасында сайлау саласында жүйелі түрде тәжірибе алмасудың қажеттігі туралы ойларын білдірді.

Ортсайлауком Төрағасының орынбасары кездесу соңында ЕКПА-ның Саяси мәселелер және демократия жөніндегі комитеті тағайындаған Еуропа Кеңесінің Қазақстанмен қарым-қатынасы жөніндегі баяндамашы Фишер мырзаға табыс тілеп, аталған кездесу оған баяндама дайындауға көмегін тигізетініне сенім білдірді.