БАСПАСӨЗ РЕЛИЗІ

2016 жылғы 28 наурызда Қазақстан Республикасы Орталық сайлау комиссиясының Төрағасы Қ. Тұрғанқұловтың Қазақстан Республикасы Парламенті Мәжілісі депутаттарының кезектен тыс сайлауын байқау жөніндегі ЕҚЫҰ/ДИАҚБ Миссиясының Басшысы Борис Фрлец мырзамен кездесуі болды

2016 жылғы 28 наурызда Қазақстан Республикасы Орталық сайлау комиссиясының Төрағасы Қ. Тұрғанқұловтың Қазақстан Республикасы Парламенті Мәжілісі депутаттарының кезектен тыс сайлауын байқау жөніндегі ЕҚЫҰ/ДИАҚБ Миссиясының Басшысы Борис Фрлец мырзамен кездесуі болды

Кездесуге ЕҚЫҰ/ДИАҚБ Миссиясы Басшысының орынбасары Полин Мария Лемос, ҚР ОСК мүшелері, сондай-ақ ЕҚЫҰ/ДИАҚБ-ның сайлау және құқық мәселелері жөніндегі мамандары қатысты.

Ортсайлауком басшысы Фрлец мырзаға ЕҚЫҰ/ДИАҚБ Миссиясының Қазақстан Республикасы Парламенті Мәжілісі депутаттарының кезектен тыс сайлауын байқау жөніндегі жұмысына, сондай-ақ ұсынған ұсынымдары үшін алғыс білдірді.

«Біз ЕҚЫҰ/ДИАҚБ-ның Алдын ала тұжырымдар мен қорытындылар туралы мәлімдемесімен мұқият танысып шықтық. Біз Миссияның сайлауды ұйымдастырушылардың адал жұмысын жоғары бағалағанына қуаныштымыз. Тұтастай алғанда, сайлау жариялы әрі ашық, еліміздің сайлау заңнамасының нормаларына және демократиялық сайлаудың жалпыға танымал қағидаттарына толығымен сәйкес өтті деп есептейміз. Халықаралық,  оның ішінде ЕҚЫҰ елдерінен келген байқаушылар мен сарапшылардың басым көпшілігі сайлауды демократиялық қағидаттарға сәйкес деп таныды. Отандық байқаушылар мен беделді халықаралық ұйымдардың өкілдері де осындай пікірде» - деп атап өтті Қ. Тұрғанқұлов.

Қазақстанның азаматтары сайлау қорытындыларын толығымен қабылдап, қолдады, нәтижесінде бұл сайлаудың заңды әрі әділ өткендігін айғақтайды деп атап көрсетті Ортсайлауком Төрағасы.

ЕҚЫҰ/ДИАҚБ Миссиясының Басшысы өз кезегінде ҚР ОСК тарапынан кездесу ұйымдастырылғанына, сондай-ақ көрсетілген көмек пен ынтымақтастық үшін ризашылығын білдірді.

Фрлец мырза Қ.Т. Тұрғанқұловтың сайлау науқаны барысында сайлау қорытындыларына ықпал етуі мүмкін сайлау туралы заңды өрескел бұзушылықтар болмады деген пікірімен келісетінін білдірді.  

Кездесуде ЕҚЫҰ/ДИАҚБ мен ҚР ОСК сарапшыларының өзара іс-қимылын ұйымдастыруға байланысты мәселелер талқыланды.

«ЕҚЫҰ/ДИАҚБ Миссиясымен ынтымақтастық аясындағы оң тәжірибені ескере отырып, біз электораттық науқан жөніндегі өз пікірімізді жеткізу үшін ЕҚЫҰ/ДИАҚБ сарапшыларымен тығыз қарым-қатынаста жұмыс істеуге дайын екенімізді білдіреміз, біздің пікірімізге құлақ асып, ескеретіндеріңізге сенім білдіреміз» - деп атап өтті Ортсайлауком Басшысы.

Кездесу соңында Қ. Тұрғанқұлов «Біз ЕҚЫҰ/ДИАҚБ Миссиясының барлық сарапшыларына жүргізген жұмысы үшін алғысымызды айтамыз және бұдан әрі табысты ынтымақтастықта болатынымызға сенім білдіреміз» -  деді.