БАСПАСӨЗ РЕЛИЗІ

2016 жылғы 18 наурызда Қазақстан Республикасы Орталық сайлау комиссиясының Хатшысы Б. Мелдешов Қырғыз Республикасы Сайлауды және референдумдарды өткізу жөніндегі орталық сайлау комиссиясының мүшелерімен кездесті

2016 жылғы 18 наурызда Қазақстан Республикасы Орталық сайлау комиссиясының Хатшысы Б. Мелдешов Қырғыз Республикасы Сайлауды және референдумдарды өткізу жөніндегі орталық сайлау комиссиясының мүшелері Р.Б. Бекбасаровпен, Г.М. Баатыровамен және Т.И. Садамкуловпен кездесті.

Б. Мелдешов делегация мүшелерін Қазақстан Республикасы Орталық сайлау комиссиясының Қазақстан Республикасы Парламенті Мәжілісінің және мәслихаттарының депутаттарын сайлауды әзірлеу мен өткізу жөніндегі жұмысымен таныстырып, ағымдағы сайлау науқанының ерекшеліктері, оның кезеңдері мен дауыс беру күніне дайындық туралы айтты.

Қырғыз Республикасы Сайлауды және референдумдарды өткізу жөніндегі орталық сайлау комиссиясының мүшелері ҚР ОСК басшылығына шақыру үшін алғыстарын білдіріп, сайлау науқанын ұйымдастырудың жоғары деңгейін атап өтті және сайлау учаскелерінде байқауды бейтараптық және әділдік қағидаттарын басшылыққа алып жүзеге асыратындықтарын айтты.

Кездесу соңында ҚР ОСК Хатшысы мен Қырғыз Республикасы Сайлауды және референдумдарды өткізу жөніндегі орталық сайлау комиссиясының мүшелері өзара ынтымақтастықтың және сайлау тәжірибесі мен сайлау заңнамасын жетілдіру саласында тәжірибе алмасудың одан әрі жалғасуына ниет білдірді.