2011 жылғы 18 тамызда Қазақстан Республикасы Орталық сайлау комиссиясының Төрағасы Қ.Тұрғанқұловтың ТМД-ға қатысушы мемлекеттер Парламентаралық Ассамблеясынан келген байқаушылар тобымен кездесуі болып өтті
2011 жылғы 18 тамызда Қазақстан Республикасы Орталық сайлау комиссиясының Төрағасы Қ. Тұрғанқұловтың ТМД-ға қатысушы мемлекеттер Парламентаралық Ассамблеясынан келген байқаушылар тобымен кездесуі болып өтті
Кездесуге ТМД-ға қатысушы мемлекеттер Парламентаралық Ассамблеясы Кеңесінің Бас хатшысы М.И. Кротов, ТМД ПАА Бас хатшысының орынбасары Х.З. Бакенов, Қырғыз Республикасы Жогорку Кенешінің Фискалдық және ақша-несие саясаты комитеті төрағасының орынбасары У.Т. Кочкоров қатысты.
Кездесу барсында Ортсайлауком Басшысы байқаушыларды Орталық сайлау комиссиясының Қазақстан Республикасы Парламенті Сенаты депутаттарының кезекті сайлауын әзірлеу және өткізу бойынша жұмысымен, сайлау науқанының негізгі кезеңдерімен және оның ерекшеліктерімен таныстырып өтті.
«Біз елімізге шет мемлекеттер мен халықаралық ұйымдар байқаушыларының келуін құптаймыз және олардың тиімді, объективті әрі өнімді жұмыс істеулері үшін барлық жағдайды жасаймыз», - деді Қ. Тұрғанқұлов.
ТМД ПАА Кеңесінің өкілдері Қазақстан Республикасы Парламенті Сенаты депутаттарының сайлауын байқауға шақыру үшін ризашылықтарын білдірді, сайлау процесін ұйымдастырудың көптеген оң тұстарын атап өтті.
Кездесу соңында Қ.Тұрғанқұлов ТМД ПАА сарапшылары мен байқаушыларына сайлауды байқауды жоғары кәсіби деңгейде жүргізуге тілектестігін білдірді. .

Қазақстан Республикасы
Орталық сайлау комиссиясының
баспасөз орталығы
тел. 75-21-32, 75-28-43, 75-28-44