2016 жылғы 6 ақпанда Қазақстан Республикасы Орталық сайлау комиссиясына «Бірлік» Саяси Партиясының құрамына 8 адам енгізілген партиялық тізімі ұсынылды.

 Сайлау заңнамасының талаптарына сәйкес партиялық тізімді саяси партияның өкілі «Бірлік» Саяси Партиясының партиялық тізімді ұсыну туралы кезектен тыс ІІ съезінің хаттамасынан үзінді көшірмемен бір мезгілде тапсырды.

Өкілдің өкілеттіктері тиісті құжаттармен расталған.

Партиялық тізімді тіркеу үшін Орталық сайлау комиссиясына мынадай құжаттар ұсынылды:

1) саяси партияның Қазақстан Республикасы Әділет министрлігінде тіркелгені туралы құжаттың көшірмесімен қоса «Бірлік» Саяси Партиясының партиялық тізімді ұсыну туралы кезектен тыс ІІ съезінің хаттамасынан үзінді көшірмесі;

2) партиялық тізімге енгізілген азаматтардың тізімге енгізуге келісімі туралы өтініштері;

3) партиялық тізімге енгізілген әрбір адамның өмірбаяндық деректері;

4) салық органының партиялық тізімге енгізілген кандидаттардың және олардың жұбайларының табысы мен мүлкі туралы декларация тапсырғаны туралы анықтамалары;

5) саяси партияның сайлау жарнасын енгізгенін растайтын құжат;

6) партиялық тізімге енгізілген адамдардың «Бірлік» Саяси Партиясында мүшелігін растайтын құжаттар.