БАСПАСӨЗ РЕЛИЗІ

Қазақстан Республикасы Парламенті Мәжілісі мен мәслихаттарының депутаттарын сайлау жөніндегі сайлау науқанын әдістемелік және ақпараттық қамтамасыз ету туралы

Қазақстан Республикасы Парламенті Мәжілісі мен мәслихаттарының депутаттарын сайлау жөніндегі сайлау науқанын ұйымдастыру мен өткізу жөніндегі дайындық жұмысының шеңберінде Орталық сайлау комиссиясы сайлауды әдістемелік қамтамасыз етуге ерекше көңіл бөледі.

Аталған жұмыс Ортсайлаукомның сайлау комиссиялары мүшелері мен сайлау процесіне қатысушыларды құқықтық оқыту және ақпараттандыру жөніндегі қызмет бағыттарының бірі болып табылады.

Ортсайлауком әзірлеген түрлі анықтамалық және ақпараттық материалдар  сайлауды ұйымдастырушылардың сайлауды әзірлеу мен өткізу жөніндегі кәсіби қызметінде, сондай-ақ сайлау науқанына қатысушылардың олардың сайлау құқықтарын іске асыруына жәрдемдесуге бейімделген.

Ортсайлаукомның тапсырысы бойынша аумақтық, округтік және учаскелік сайлау комиссиялары, саяси партиялар мен олардың сенім білдірілген адамдары, кандидаттар мен олардың сенім білдірілген адамдары, байқаушылар, БАҚ өкілдері мен т.б. арналған 8 ақпараттық плакат және 14 атаулы жаднама, әдістемелер, жинақтар және басқа да баспа өнімдері әзірленуде.

Орталық сайлау комиссиясының тапсырысы бойынша әзірленген барлық әдістемелік материалдар оның www.election.gov.kz ресми интернет-ресурсында орналастырылады.

Азаматтарды ақпараттандыру тиімділігін арттыру және олардың сайлауға қатысу құқықтарын қамтамасыз ету үшін Ортсайлаукомның тапсырысы бойынша сондай-ақ республикалық телеарналарда, радиода, сонымен қатар неғұрлым танымал аумақтық телеарналар эфирінде сайлау науқаны бойы көрсетіліп, дыбысталатын ақпараттық және жұмылдыру бейне- және дыбысроликтері әзірленуде.

Сонымен қатар елдің өңірлерінде сайлау туралы негізгі ақпаратты қамтитын және азаматтарды дауыс беруге қатысуға шақыратын ақпараттық және жұмылдыру билбордтары орналастырылады.

Учаскелік сайлау комсиссиялары үшін «Сайлау күні дауыс беру рәсімдері туралы» арнайы оқыту фильмі әзірленуде, ол елдің барлық аумақтық, округтік және учаскелік сайлау комиссияларына жіберіледі.

Ортсайлауком ақпараттық және түсіндіру жұмысына, сайлау органдары қызметінің ашықтығы мен айқындығын қамтамасыз етуге, сайлау заңнамасы нормаларының қатаң сақталуына ерекше көңіл бөледі.

ҚР ОСК барлық бұқаралық ақпарат құралдарымен белсенді іс-қимыл жасайды, олардың барлық ақпараттық материалдарға тең қол жеткізуін қамтамасыз етеді.

Бұл ынтымақтастықтың тиімділігін арттыру үшін сайлау науқаны кезеңіне ҚР ОСК жанында тұрақты түрде жұмыс жасайтын баспасөз орталығы ашылды. 

Қазақстан Республикасы Орталық сайлау комиссиясының 
Баспасөз қызметі 
тел. 75-28-44, 75-23-69