БАСПАСӨЗ РЕЛИЗІ 

2016 жылғы 25 қаңтарда Астана қаласында 2016 жылғы 20 наурызға тағайындалған Қазақстан Республикасы Парламенті Мәжілісі мен мәслихаттарының депутаттарын сайлауды әзірлеу мен өткізуді ұйымдастыру мәселелері жөнінде республикалық семинар-кеңес өтті 

2016 жылғы 25 қаңтарда Орталық сайлау комиссиясының ұйымдастыруымен 2016 жылғы 20 наурызға тағайындалған Қазақстан Республикасы Парламенті Мәжілісі мен мәслихаттарының депутаттарын сайлауды әзірлеу мен өткізуді ұйымдастыру мәселелері жөнінде республикалық семинар-кеңес өтті.

Семинар-кеңестің жұмысына қатысуға облыстық, Астана және Алматы қалалық сайлау комиссияларының төрағалары мен хатшылары, Қазақстан Республикасы саяси партияларының, мүдделі мемлекеттік органдарының өкілдері, сондай-ақ сайлау саласында қызмет ететін халықаралық ұйымдардың өкілдері шақырылды.

Семинарды аша отырып, Ортсайлауком Төрағасы Қуандық Тұрғанқұлов: «Алдағы Парламент Мәжілісінің депутаттарын сайлау – бұл еліміздің өміріндегі маңызды саяси оқиға. Бұл ретте сайлау органдарының басты міндеті – сайлаудың заңдылығын қамтамасыз ету, яғни сайлау заңнамасы мен жалпыға бірдей танымал халықаралық принциптердің талаптарына сәйкес әділ және ашық сайлау науқанын өткізу» - деп атап өтті.

Ортсайлауком Басшысы сайлау ұйымдастырушыларды сайлау науқанын өткізуге бөлінген бюджет қаражатын үнемдеу мәселелеріне ерекше көңіл бөлуге шақырды. «Қазіргі күрделі экономикалық жағдайда қаражаттың тиімсіз жұмсалуын болдырмау және Елбасының әрбір бюджет теңгесіне ұқыпты қарау туралы нұсқауын нақты ұстануымыз керек» - деді ол.

Қ. Тұрғанқұлов семинарға қатысушыларды Ортсайлауком атқарған дайындық жұмыстары туралы, комиссияның ағымдағы қызметі және сайлау науқанының барысы туралы қысқаша ақпараттандырды.

Ортсайлауком жетекшілік ететін мәселелер бойынша оның мүшелері мен аппарат қызметкерлері сөз сөйледі.

Бірқатар аумақтық сайлау комиссияларының өкілдері елдің аумақтарында сайлауға дайындық, сайлау ұйымдастырушылардың қызметі мен науқанның аталған кезеңіндегі олардың алдында тұрған бірінші кезектегі міндеттер туралы айтып берді.

Семинар-кеңес жұмысының барысында сайлау науқанын материалдық-техникалық және қаржылық қамтамасыз етуге, сайлау комиссияларының, жергілікті атқарушы органдардың, үкіметтік емес ұйымдар мен азаматтық қоғам институттарының тиімді өзара іс-қимылына,  сайлау процесіне қатысушылардың бәрінің сайлау заңнамасының нормаларын бұлжытпай орындауын қамтамасыз етуге қатысты мәселелер талқыланды.

Семинар-кеңестің жұмысы барысында қозғалған неғұрлым жиі талқыланатын және өзекті тақырыптар арасында сайлау процесіне қатысушыларды құқықтық оқыту, сайлаушылар тізімдерін жасау, нақтылау және түзету бойынша жұмысты ұйымдастыру, жергілікті және халықаралық байқаушылардың өзара іс-қимылын қамтамасыз ету, олардың қызметін ұйымдастыру, сайлауды және сайлау алдындағы үгітті ақпараттық сүйемелдеу мәселелерін бөліп айтуға болады.

Жалпы талқылау барысындағы сындарлы пікір алмасу қатысушыларға сайлау процесін ұйымдастыру шеңберінде жүргізілетін жұмыстың тиімділігін арттыру жөніндегі бірқатар ұсыныстар мен ұсынымдарды әзірлеуге мүмкіндік берді.

Аумақтық сайлау комиссияларының өкілдері қызметтің түрлі бағыттары бойынша тәжірибе бөлісіп, семинар-кеңесте талқыланған тақырыптар бойынша пікір алмасты.

Қазақстан Республикасы Орталық сайлау комиссиясының 
Баспасөз қызметі 
тел. 75-28-44, 75-23-69