Қазақстан Республикасы Орталық сайлау комиссиясының Төрағасы Қуандық Тұрғанқұлов Сеул қаласында (Оңтүстік Корея) өтіп жатқан Сайлау мәселері жөніндегі дүниежүзілік ұйымның 6-шы конференциясының жұмысына қатысуда
2013 жылғы 15-17 қазанда Қазақстан Республикасы Орталық сайлау комиссиясының Төрағасы Қуандық Тұрғанқұлов Корея Республикасы Ұлттық сайлау комиссиясының Төрағасы – Азия сайлау органдары қауымдастығының Төрағасы Ли Ин-Боктың шақыруымен 150 сайлау органының қатысуымен Сеул қаласында «Тұрақты сайлау процестері – мықты демократия» тақырыбында өтіп жатқан Сайлау мәселері жөніндегі дүниежүзілік ұйымның (СМДҰ) 6-шы конференциясының жұмысына қатысуда.
СМДҰ конференциясы сайлау мәселелерімен айналысатын мамандар үшін жетекші халықаралық форум болып табылады әрі байланыстарды реттеуге және ақпарат алмасуға жәрдемдесу мақсатын көздейді. Аталған беделді іс-шара Азияда бірінші рет өткізіліп отыр, бұған дейінгі конференциялар Канадада, Мексикада, Венгрияда, АҚШ-та және Ботсванада өткізілген болатын.
СМДҰ-ның 6-шы конференциясына 2013 жылғы 14 қазанда өткен Дүниежүзілік сайлау комиссиялары қауымдастығының (ДСОҚ) салтанатты тұсаукесер ассамблеясы орайластырылған. Азия сайлау органдары қауымдастығының мүшесі болып табылатын ҚР ОСК-ның атынан, Төраға Қуандық Тұрғанқұлов, Дүниежүзілік сайлау комиссиялары қауымдастығын құру идесын қолдаған болатын. ДСОҚ сайлау мәселелері бойынша ірі халықаралық ұйым болады деп күтілуде.
ҚР ОСК Төрағасы бұл шараға да қатысты.

Қазақстан Республикасы
Орталық сайлау комиссиясының
баспасөз орталығы
тел. 75-28-43, 75-28-44