ОСК  «Respublica» партиясынан кандидаттардың партиялық 

тізімін ұсыну туралы құжаттарын қабылдады

Бүгін Қазақстан Республикасы Орталық сайлау комиссиясына «Respublica» партиясы» қоғамдық бірлестігінен Қазақстан Республикасы Құрылтайының депутаттығына кандидаттардың партиялық тізімін ұсыну туралы құжаттар келіп түсті.

Қазақстан Республикасы Орталық сайлау комиссиясы ұсынылған құжаттардың заңнама талаптарына сәйкестігін қарайды.

Құжаттарды ұсыну «Қазақстан Республикасындағы сайлау туралы» Қазақстан Республикасының Конституциялық заңының 

87-бабында көзделген кандидаттардың партиялық тізімдерін ұсыну рәсімі шеңберінде жүзеге асырылады. Заңға сәйкес Құрылтай депутаттығына кандидаттардың партиялық тізімдерін ұсыну құқығы заңнамада белгіленген тәртіппен тіркелген саяси партияларға тиесілі.

Қазақстан Республикасы Құрылтайының депутаттарын сайлауды дайындау мен өткізу жөніндегі негізгі іс-шараларының бекітілген Күнтізбелік жоспарына сәйкес кандидаттардың партиялық тізімдерін ұсыну 2026 жылғы 13 шілде сағат 18:00-ге дейін жүзеге асырылады.